Foto: pexels.com
QMA eldiń birneshe oblystarynda jumys istegen zańsyz onlain oiyn biznesin uiymdastyrýshylaryn Soltústik Qazaqstan oblysynda anyqtady. Bul týraly vedomstvoǵa silteme jasaǵan Ult.kz habarlaidy.
100 myń teńgege deiingi stavkalary bar poker oiyndary Club GG jalpyǵa qoljetimdi qosymshasynda myńdaǵan aýditoriiany tarta otyryp, 40-tan astam oiyn ústelderinde ótkizildi.
Qumar oiyndarǵa qatysý úshin saitta balans toltyrý múmkindigi bar jáne qatysýshylardy tartý úshin 20 operatory jumys isteitin Call-ortalyǵy bar telegram-arnaǵa silteme jariialanǵan. Utys stavkalary men tólemderi qatysýshylardyń kart-shottary arqyly júzege asyryldy.
"Zańsyz oiyn biznesin uiymdastyrǵany úshin quqyq buzýshylar ainalymnyń 10% alyp otyrǵan. Jyl basynan beri ǵana qatysýshylardyń banktik shottaryna túsken qylmystyq tabys somasy 55 mln teńgeden, qatysýshylardyń sany 4 myń paidalanýshydan asady.
Soltústik Qazaqstan, Pavlodar jáne Jetisý oblystaryndaǵy turǵylyqty jerleri boiynsha, avtomashinalarda, keńselerde ondaǵan noýtbýkter men kompiýterler, uialy telefondar, aqsha qarajattary,memlekettik tirkeý nómirleri tabyldy", - delingen QMA habarynda.
Sonymen qatar iisi bar ósimdik tektes esirtki zaty, qarýǵa arnalǵan oq-dáriler men ózge de qujattar tabyldy.
Telegram-arna buǵattalyp, sotqa deiingi tergeý júrgizilip jatyr. QR QPK-niń 201-baby tártibindegi ózge de aqparat jariia etýge jatpaidy.
Jalpy, jyl basynan beri Agenttik 19 zańsyz jasyryn, onlain kazino, 1 býkmekerlik keńse, TikTok, Instagram áleýmettik jelilerindegi oiyndardyń 11 onlain transliatsiiasy, 12 oiyn avtomat zaly jáne oiyn terminaldarynyń zańsyz qyzmetiniń 3 faktisin toqtatty.
1200-ge jýyq oiyn avtomattary, terminaldar, poker ústelderi, rýletkalar, sondai-aq 262,7 mln teńge somasynda aqshalai qarajat tárkilendi.
Aita keteiik, QMA-nyń zańsyz oiyn biznesimen kúrestegi qyzmeti aldyn alý sharalaryna baǵyttalǵan. "Kibernadzor" aqparattyq júiesi arqyly zańsyz mazmundaǵy 5,8 myń sait pen silteme buǵattaldy.
