Jambyl oblysy Baizaq aýdanynda oq-dári qoimasy jarylǵan sátte jaqyn mańdaǵy dámhanada ne bolǵany túsirilgen video jariialandy.
Videony Aibat jańalyqtar qyzmeti bólisti, dep habarlaidy Sputnik Qazaqstan.
Odan dúmpý bolǵan kezde dámhana qonaǵynyń birneshe metr jerge ushyp ketkenin kórýge bolady. Al dalada jarylys ekpininen shań kóterilgen.
Sondai-aq áskeri kiim kigen er adamnyń qaqpa ústinen ótip, syrtynan esikti ashyp, taǵy eki adamdy shyǵarǵan sáti túsirilgen.
Buǵan deiin jarylys shyqqan mańdaǵy kásip nysandarynyń ieleri Sputnik Qazaqstan tilshisine sol kúni ne bolǵanyn aityp berdi. Kásipker Janna Nazarbekovanyń sózinshe, tótenshe jaǵdai bolǵan kezde dámhana men dúkenderde kúndelikti jumysyn atqaryp júrgen 20 shaqty adam bolǵan.
Qonaq úi ishinde kelýshi bolmaǵan, dámhanada birneshe adamǵa qyzmet kórsetilgen. Jarylys bastalǵan sátte bári qaýipsiz aimaq retinde jazyq dalaǵa qashqan.
Lázzat Jabataeva esimdi kásipkerdiń qol astynda sol jerde 50 adam jumys istep jatqan. Olardyń barlyǵy der kezinde qashyp úlgergen.
