جامبىل وبلىسى بايزاق اۋدانىندا وق-دەرٸ قويماسى جارىلعان سەتتە جاقىن ماڭداعى دەمحانادا نە بولعانى تٷسٸرٸلگەن ۆيدەو جارييالاندى.
ۆيدەونى Aibat جاڭالىقتار قىزمەتٸ بٶلٸستٸ, دەپ حابارلايدى Sputnik قازاقستان.
ودان دٷمپۋ بولعان كەزدە دەمحانا قوناعىنىڭ بٸرنەشە مەتر جەرگە ۇشىپ كەتكەنٸن كٶرۋگە بولادى. ال دالادا جارىلىس ەكپٸنٸنەن شاڭ كٶتەرٸلگەن.
سونداي-اق ەسكەري كيٸم كيگەن ەر ادامنىڭ قاقپا ٷستٸنەن ٶتٸپ, سىرتىنان ەسٸكتٸ اشىپ, تاعى ەكٸ ادامدى شىعارعان سەتٸ تٷسٸرٸلگەن.
بۇعان دەيٸن جارىلىس شىققان ماڭداعى كەسٸپ نىساندارىنىڭ يەلەرٸ Sputnik قازاقستان تٸلشٸسٸنە سول كٷنٸ نە بولعانىن ايتىپ بەردٸ. كەسٸپكەر جاننا نازاربەكوۆانىڭ سٶزٸنشە, تٶتەنشە جاعداي بولعان كەزدە دەمحانا مەن دٷكەندەردە كٷندەلٸكتٸ جۇمىسىن اتقارىپ جٷرگەن 20 شاقتى ادام بولعان.
قوناق ٷي ٸشٸندە كەلۋشٸ بولماعان, دەمحانادا بٸرنەشە ادامعا قىزمەت كٶرسەتٸلگەن. جارىلىس باستالعان سەتتە بەرٸ قاۋٸپسٸز ايماق رەتٸندە جازىق دالاعا قاشقان.
لەززات جاباتاەۆا ەسٸمدٸ كەسٸپكەردٸڭ قول استىندا سول جەردە 50 ادام جۇمىس ٸستەپ جاتقان. ولاردىڭ بارلىعى دەر كەزٸندە قاشىپ ٷلگەرگەن.
