Qazaqstan Respýblikasynyń Tuńǵysh Prezidenti, Elbasy N.Á.Nazarbaevtyń Qazaqstan halqyna arnaǵan qazandaǵy Joldaýy el turǵyndarynyń ál-aýqatynyń ósýi, tabys pen turmys sapasyn jaqsartýmen birge, damýdyń jańa kezeńin de aiqyndap berdi.
Elbasy «Nur Otan» partiiasynyń HVIII sezinde Joldaýda aitylǵan máselelerdi odan ári naqtylap, kóp balaly analar men turmysy aýyr, tabys deńgeii tómen otbasylardyń áleýmettik jaǵdailaryn kóterýdiń máselelerin meilinshe aiqyndap, Úkimetke naqty tapsyrmalar berdi.
Osyndai kúrmeýi qiyn kúrdeli máselelerdi sheshýde Elbasy N.Á.Nazarbaevtyń bastamasymen qurylǵan Qazaqstan Halqy Assambleiasynyń erekshe rol atqarary sózsiz.
Eger halyqtar arasynda Assambleia ustanyp otyrǵan ózara birlik, dostyq qarym-qatynas, shynaiy týystyq bailanystar bolmasa onda alǵa qoiǵan maqsattardyń da oryndalýy neǵaibyl.
«Halyqtar dostyǵy bizdiń eń basty biregei bailyǵymyz ǵana emes, sonymen qatar senimimiz de úmitimiz de» - degen bolatyn Elbasy.
Atyraý men Altaidyń arasyn jailaǵan, ushsa qustyń qanaty talatyn, shapsa tulpardyń tuiaǵy tozatyn ulan-baitaq jerimizdi mekendegen júzden astam ulttar men ulystardyń bereke-birligin keltirip, yrys-yntymaǵyn molaityp, tatý-tátti ómir súrýine Qazaqstan Halqy Assambleiasynyń ólsheýsiz úles qosyp kele jatyrǵanynyń kýási bolyp otyrmyz. Bul oraida atalǵan suhbatta Qasym-Jomart Toqaev «Qoǵamdyq qundylyqtar – san ǵasyrlar boiy halyqtyń sanasynda pisip-jetiletin izgilik kategoriialary, moraldik, irgetas. Izgi qundylyqtar – qoǵamnyń immýniteti» - dep atap kórsetken.
Biz qoǵamdaǵy órkenietti isterdi Aq Jaiyq óńirindegi oblystyq Assambleianyń jumysynan da kórip júrmiz.
Jyl saiyn dástúrli ótip turatyn ultymyzdyń Naýryz meiramy, týysqan tatar halqynyń «Sabantoi» merekesi, «Orys mádeni ortalyǵy» qoǵamdyq birlestiginiń slavian mádenieti kúnderi, «Vainah» sheshen-ingýsh etnomádeni birlestiginiń uiymdastyrýymen ótkizilgen sheshen áielderiniń kúni óńirimizde halyqtar dostyǵynyń myzǵymas birligi bar ekenin aiqyn dáleldei tústi.
Kári Jaiyqty mekendegen ár alýan ult ókilderi qandai ma bolmasyn máselelerdi sheshýde udaiy aýyzbirliktik tanytyp keledi. Aitalyq eldi-meken, jer-sý ataýlarynyń tarihi esimderin qaitarý, kóshelerge Alash arystary men ult qairatkerleriniń aty-tegin berý máseleleri qashanda aiqai-shýsyz, ortaq mámilemen sheshilip keledi. Munyń ózi oblystyq Assambleianyń jumysynyń jemisi ekendigine kúmán joq.
Biylǵy jyly Assambleia janynan qurylǵan «Aǵaiyn» qoǵamdyq birlestiginiń de qasietti ólkede órkendi isterdiń óristeýine qosar úlesi mol bolmaq – degen senimdemin.
Árine, qazirgi kezeńde barlyq deńgeidegi Assambleia uiymdarynyń aldynda turǵan zor mindet – ulttyq qundylyqtarymyzdy saqtai otyryp, qoǵamdy odan ári damytýǵa úles qosý.
Ol úshin Memleket basshysy aitqandai, ádilettilik júieni qalypqa keltirýge atsalysý qajet. Óz suhbatynda ádilettilik máselesine áldeneshe ret oralǵan Prezidenttiń «Jalpy – ádilettilik qoǵamdy órkenietke jeteleitin, onyń bet-beinesin aiqyndaityn basty qundylyq» - dep oi túiýi kóńilimizge senim uialatty.
Qoǵamdaǵy til máselesi, jastar taǵdyry, el ishindegi saiasi turaqtylyq – qashanǵydai Assambleianyń tól mindeti bolyp qala bermek.
Qazaqtyń uly aqyny Oljas Súleimenov aitqandai «Taýlardy alasartpai, dalany asqaqtatsaq» alda da armandy isterimiz oryndala beretin bolady.
Zakariia SISENǴALI
