قازاقستان رەسپۋبليكاسىنىڭ تۇڭعىش پرەزيدەنتٸ, ەلباسى ن.ە.نازارباەۆتىڭ قازاقستان حالقىنا ارناعان قازانداعى جولداۋى ەل تۇرعىندارىنىڭ ەل-اۋقاتىنىڭ ٶسۋٸ, تابىس پەن تۇرمىس ساپاسىن جاقسارتۋمەن بٸرگە, دامۋدىڭ جاڭا كەزەڭٸن دە ايقىنداپ بەردٸ.
ەلباسى «نۇر وتان» پارتيياسىنىڭ حVIII سەزٸندە جولداۋدا ايتىلعان مەسەلەلەردٸ ودان ەرٸ ناقتىلاپ, كٶپ بالالى انالار مەن تۇرمىسى اۋىر, تابىس دەڭگەيٸ تٶمەن وتباسىلاردىڭ ەلەۋمەتتٸك جاعدايلارىن كٶتەرۋدٸڭ مەسەلەلەرٸن مەيلٸنشە ايقىنداپ, ٷكٸمەتكە ناقتى تاپسىرمالار بەردٸ.
وسىنداي كٷرمەۋٸ قيىن كٷردەلٸ مەسەلەلەردٸ شەشۋدە ەلباسى ن.ە.نازارباەۆتىڭ باستاماسىمەن قۇرىلعان قازاقستان حالقى اسسامبلەياسىنىڭ ەرەكشە رول اتقارارى سٶزسٸز.
ەگەر حالىقتار اراسىندا اسسامبلەيا ۇستانىپ وتىرعان ٶزارا بٸرلٸك, دوستىق قارىم-قاتىناس, شىنايى تۋىستىق بايلانىستار بولماسا وندا العا قويعان ماقساتتاردىڭ دا ورىندالۋى نەعايبىل.
«حالىقتار دوستىعى بٸزدٸڭ ەڭ باستى بٸرەگەي بايلىعىمىز عانا ەمەس, سونىمەن قاتار سەنٸمٸمٸز دە ٷمٸتٸمٸز دە» - دەگەن بولاتىن ەلباسى.
اتىراۋ مەن التايدىڭ اراسىن جايلاعان, ۇشسا قۇستىڭ قاناتى تالاتىن, شاپسا تۇلپاردىڭ تۇياعى توزاتىن ۇلان-بايتاق جەرٸمٸزدٸ مەكەندەگەن جٷزدەن استام ۇلتتار مەن ۇلىستاردىڭ بەرەكە-بٸرلٸگٸن كەلتٸرٸپ, ىرىس-ىنتىماعىن مولايتىپ, تاتۋ-تەتتٸ ٶمٸر سٷرۋٸنە قازاقستان حالقى اسسامبلەياسىنىڭ ٶلشەۋسٸز ٷلەس قوسىپ كەلە جاتىرعانىنىڭ كۋەسٸ بولىپ وتىرمىز. بۇل ورايدا اتالعان سۇحباتتا قاسىم-جومارت توقاەۆ «قوعامدىق قۇندىلىقتار – سان عاسىرلار بويى حالىقتىڭ ساناسىندا پٸسٸپ-جەتٸلەتٸن ٸزگٸلٸك كاتەگورييالارى, مورالدٸك, ٸرگەتاس. ٸزگٸ قۇندىلىقتار – قوعامنىڭ يممۋنيتەتٸ» - دەپ اتاپ كٶرسەتكەن.
بٸز قوعامداعى ٶركەنيەتتٸ ٸستەردٸ اق جايىق ٶڭٸرٸندەگٸ وبلىستىق اسسامبلەيانىڭ جۇمىسىنان دا كٶرٸپ جٷرمٸز.
جىل سايىن دەستٷرلٸ ٶتٸپ تۇراتىن ۇلتىمىزدىڭ ناۋرىز مەيرامى, تۋىسقان تاتار حالقىنىڭ «سابانتوي» مەرەكەسٸ, «ورىس مەدەني ورتالىعى» قوعامدىق بٸرلەستٸگٸنٸڭ سلاۆيان مەدەنيەتٸ كٷندەرٸ, «ۆايناح» شەشەن-ينگۋش ەتنومەدەني بٸرلەستٸگٸنٸڭ ۇيىمداستىرۋىمەن ٶتكٸزٸلگەن شەشەن ەيەلدەرٸنٸڭ كٷنٸ ٶڭٸرٸمٸزدە حالىقتار دوستىعىنىڭ مىزعىماس بٸرلٸگٸ بار ەكەنٸن ايقىن دەلەلدەي تٷستٸ.
كەرٸ جايىقتى مەكەندەگەن ەر الۋان ۇلت ٶكٸلدەرٸ قانداي ما بولماسىن مەسەلەلەردٸ شەشۋدە ۇدايى اۋىزبٸرلٸكتٸك تانىتىپ كەلەدٸ. ايتالىق ەلدٸ-مەكەن, جەر-سۋ اتاۋلارىنىڭ تاريحي ەسٸمدەرٸن قايتارۋ, كٶشەلەرگە الاش ارىستارى مەن ۇلت قايراتكەرلەرٸنٸڭ اتى-تەگٸن بەرۋ مەسەلەلەرٸ قاشاندا ايقاي-شۋسىز, ورتاق مەمٸلەمەن شەشٸلٸپ كەلەدٸ. مۇنىڭ ٶزٸ وبلىستىق اسسامبلەيانىڭ جۇمىسىنىڭ جەمٸسٸ ەكەندٸگٸنە كٷمەن جوق.
بيىلعى جىلى اسسامبلەيا جانىنان قۇرىلعان «اعايىن» قوعامدىق بٸرلەستٸگٸنٸڭ دە قاسيەتتٸ ٶلكەدە ٶركەندٸ ٸستەردٸڭ ٶرٸستەۋٸنە قوسار ٷلەسٸ مول بولماق – دەگەن سەنٸمدەمٸن.
ەرينە, قازٸرگٸ كەزەڭدە بارلىق دەڭگەيدەگٸ اسسامبلەيا ۇيىمدارىنىڭ الدىندا تۇرعان زور مٸندەت – ۇلتتىق قۇندىلىقتارىمىزدى ساقتاي وتىرىپ, قوعامدى ودان ەرٸ دامىتۋعا ٷلەس قوسۋ.
ول ٷشٸن مەملەكەت باسشىسى ايتقانداي, ەدٸلەتتٸلٸك جٷيەنٸ قالىپقا كەلتٸرۋگە اتسالىسۋ قاجەت. ٶز سۇحباتىندا ەدٸلەتتٸلٸك مەسەلەسٸنە ەلدەنەشە رەت ورالعان پرەزيدەنتتٸڭ «جالپى – ەدٸلەتتٸلٸك قوعامدى ٶركەنيەتكە جەتەلەيتٸن, ونىڭ بەت-بەينەسٸن ايقىندايتىن باستى قۇندىلىق» - دەپ وي تٷيۋٸ كٶڭٸلٸمٸزگە سەنٸم ۇيالاتتى.
قوعامداعى تٸل مەسەلەسٸ, جاستار تاعدىرى, ەل ٸشٸندەگٸ ساياسي تۇراقتىلىق – قاشانعىداي اسسامبلەيانىڭ تٶل مٸندەتٸ بولىپ قالا بەرمەك.
قازاقتىڭ ۇلى اقىنى ولجاس سٷلەيمەنوۆ ايتقانداي «تاۋلاردى الاسارتپاي, دالانى اسقاقتاتساق» الدا دا ارماندى ٸستەرٸمٸز ورىندالا بەرەتٸن بولادى.
زاكارييا سيسەنعالي
