«KEGOC» uiymdastyrǵan halyqaralyq jarysta aishyqtaldy
Makinsk qalasynda TMD-ǵa qatysýshy memleketterdiń elektr energetikasy salasyndaǵy personaldyń kásibi sheberligi HIII halyqaralyq jarysynyń týy kóterildi. Munda alǵashqy irikteý synaqtarynan ótken komandalar «110 kV jáne odan joǵary kerneýli qosalqy stansalardyń jabdyqtaryn jóndeý men olarǵa qyzmet kórsetý» jóninde tórt kún boiy ózara báseke kórigin qyzdyratyn bolady.
Saltanatty sharany TMD Elektr energetikalyq keńesi atqarý komitetiniń tóraǵasy, uiymdastyrý komitetiniń tóraǵasy Evgenii Mishýk ashyp, Resei Federatsiiasy Energetika ministri Aleksandr Novaktyń quttyqtaýyn oqyp berdi.
«KEGOC» aktsionerlik qoǵamynyń basqarma tóraǵasy Baqytjan Qajiev óz sózinde energetikanyń erekshe sala ekendigin, elektr qýatynsyz ómir men tirshilikti elestetý múmkin emestigin atap ótti. Búgingi kúni jer júzi memleketteri innovatsiialyq jáne ozyq tehnologiialardy engizýde. Olardyń qatarynda TMD elderi de bar. Qazaqstanda, dál osy oqý-jattyǵý poligonynda ekinshi ret ótkizilip otyrǵan halyqaralyq jarystyń mańyzdylyǵy da osydan kórinedi. Bul birlik pen biliktiliktiń yntymaqty ári tálimdik bailanysyn nyǵaita túsetini aiqyn. «Sizder jarysta shyńdalyp, tájiribe almasýmen qatar Qazaqstan Táýelsizdiginiń 25 jyldyq tabysty belesinen maǵlumat alasyzdar, halqymyzdyń ónegeli salt-dástúrlerine qanyǵasyzdar», – dedi ol.
Dástúrli jarysqa qatysýshy Belarýs, Grýziia, Resei, Ózbekstan, Qazaqstan komandalary men baqylaýshy retinde kelip otyrǵan Qyrǵyzstan, Tájikstan, Ýkraina memleketteri ókilderiniń sherýinen keiin Qazaqstan Respýblikasynyń jáne TMD elektr-energetikalyq keńesiniń týlary kóterildi. Uiymdastyrý komitetiniń tóraǵasy E.Mishýkke poligon basshysy Erjan Ǵosmanovtyń komandalardyń tolyq daiyndyǵy týraly baiandaýynan keiin alty kezeńnen turatyn jarys bastalyp ketti. Quramynda 17 tóreshi bar arnaiy topqa qoldanystaǵy erejeler men nusqaýlyqty bilý, qýat ótkizý jabdyqtarǵa baqylaý júrgizý daǵdysy, 110 kV joǵary volttyq germetikalyq endirimge tehnikalyq qyzmet kórsetý, «KRÝN-10 kV» syrtqy qondyrǵynyń keshendi taratý qurylǵylarynda órtti sóndirý daǵdylary, elektr toǵynan zardap shegýshini bosatý jáne oǵan kómek kórsetý (maneken men reanimatsiialyq jattyqtyrǵysh arqyly) sheberligi boiynsha 1000 baldyq eseppen baǵalaý mindeti júktelgen. Tóreshiler quramynyń moldyǵy jáne olardyń tiisti ant qabyldaýy jarysqa asa zor mán beriletinin ańǵartady.
Jarystyń birinshi kúni 5 komanda jerebelik keste boiynsha 6 kezeńdik saiysty óz kezegimen atqardy. Bizdiń baiqaýymyzsha, jarys jolyna shyqqan energetika salasynyń mamandary kásibi daiyndyǵy jóninen joǵary kórsetkishke qol jetkizdi.
Bas tóreshiniń orynbasary Nurbol Appaqovpen tildeskenimizde tómendegidei pikirlerimen bólisti.
– Búgin Belarýs komandasy kompiýterlik klasta teoriialyq bilim, Qazaqstan teplovizorlyq (jabdyqtardyń jumys barysynda qyzýy) diagnostika, Grýziia joǵary kerneýli aiyrǵyshtar, Resei joǵary kerneýli kiris jáne Ózbekstan óndiristik jaǵdaida órt sóndirý mashyqtaryn kórsetti. Qazirshe tolyq qorytyndy jasaý erterek. Áitkenmen, qazaqstandyq jetekshi injener Qairat Qulmaǵambetovtiń, «Ózbekenergo» AQ elektr slesari Askadhon Mýminovtiń, «Minskenergo» qosalqy stansa qyzmetiniń sheberi Aleksandr Jibýldiń, grýziialyq «Telasi» AQ monteri Aleksi Shýrganianyń kásibi biliktiliginiń joǵary ekendigi kórinip turdy, – dedi ol.
Qyrǵyz elinen kelgen baqylaýshy Aleksei Borodin de jarystyń talapqa sai ótip jatqandyǵyn, halyqaralyq deńgeidegi biliktilik saiysynyń joǵary deńgeide uiymdastyrylǵanyn atap ótti.
Shara barysynda halyqaralyq holding quramyndaǵy Rýdnyi qalasynda ornalasqan «Qazaq elektr-armatýra zaýyty» JShS, álemge aty tanymal «Karabelli» jáne «Simens», KEGOC kompaniialarynyń innovatsiialyq jabdyqtarynyń tanystyrylym kórmesi uiymdastyryldy. Sondai-aq merekelik sipattaǵy jarys aralyǵynda oǵan qatysýshylar Aqmola oblystyq filarmoniiasy men Kenjebek Kúmisbekov atyndaǵy qazaq halyq aspaptary orkestriniń kontsertine kýá bolyp, etno aýyldyń ulttyq jabdyqtaryn tamashalady jáne qonaqjai dastarqannan dám tatty. Atshaptyrym alqapta sáigúlikter jarysy uiymdastyrylyp, qyz qýý, teńge alý siiaqty ulttyq ónerimiz kórsetildi.
Baqbergen AMALBEK,
«Egemen Qazaqstan»
Aqmola oblysy
.jpeg)