بٸرلٸك پەن بٸلٸكتٸلٸك جاراستىعى

«KEGOC» ۇيىمداستىرعان حالىقارالىق جارىستا ايشىقتالدى

ماكينسك قالاسىندا تمد-عا قاتىسۋشى مەملەكەتتەردٸڭ ەلەكتر ەنەرگەتيكاسى سالاسىنداعى پەرسونالدىڭ كەسٸبي شەبەرلٸگٸ حٸٸٸ حالىقارالىق جارىسىنىڭ تۋى كٶتەرٸلدٸ. مۇندا العاشقى ٸرٸكتەۋ سىناقتارىنان ٶتكەن كوماندالار «110 كۆ جەنە ودان جوعارى كەرنەۋلٸ قوسالقى ستانسالاردىڭ جابدىقتارىن جٶندەۋ مەن ولارعا قىزمەت كٶرسەتۋ» جٶنٸندە تٶرت كٷن بويى ٶزارا بەسەكە كٶرٸگٸن قىزدىراتىن بولادى.

سالتاناتتى شارانى تمد ەلەكتر ەنەر­گەتيكالىق كەڭەسٸ اتقارۋ كومي­تەتٸنٸڭ تٶر­اعاسى, ۇيىمداستىرۋ كومي­تەتٸنٸڭ تٶر­اعاسى ەۆگەنيي ميشۋك اشىپ, رەسەي فەدە­راتسيياسى ەنەرگەتيكا مينيسترٸ الەكساندر نوۆاكتىڭ قۇت­تىق­تاۋىن وقىپ بەردٸ.

«KEGOC» اكتسيونەرلٸك قوعامىنىڭ باسقارما تٶراعاسى باقىتجان قاجيەۆ ٶز سٶزٸندە ەنەرگەتيكانىڭ ەرەكشە سالا ەكەندٸگٸن, ەلەكتر قۋاتىنسىز ٶمٸر مەن تٸرشٸلٸكتٸ ەلەستەتۋ مٷمكٸن ەمەستٸگٸن اتاپ ٶتتٸ. بٷگٸنگٸ كٷنٸ جەر جٷزٸ مەملەكەتتەرٸ ين­نو­ۆاتسييالىق جەنە وزىق تەحنولوگييا­لاردى ەنگٸزۋدە. ولاردىڭ قاتارىندا تمد ەلدەرٸ دە بار. قازاقستاندا, دەل وسى وقۋ-جاتتىعۋ پوليگونىندا ەكٸنشٸ رەت ٶت­كٸزٸلٸپ وتىرعان حالىقارالىق جارىس­تىڭ ماڭىزدىلىعى دا وسىدان كٶرٸ­نەدٸ. بۇل بٸرلٸك پەن بٸلٸكتٸلٸكتٸڭ ىنتى­ماقتى ەرٸ تەلٸمدٸك بايلانىسىن نىعاي­تا تٷسەتٸنٸ ايقىن. «سٸزدەر جارىستا شىڭ­دالىپ, تەجٸريبە الماسۋمەن قاتار قازاقستان تەۋەلسٸزدٸگٸنٸڭ 25 جىلدىق تابىستى بەلەسٸنەن ماعلۇمات الاسىزدار, حالقىمىزدىڭ ٶنەگەلٸ سالت-دەستٷرلەرٸنە قانىعاسىزدار», – دەدٸ ول.

دەستٷرلٸ جارىسقا قاتىسۋشى بەلا­رۋس, گرۋزييا, رەسەي, ٶزبەكستان, قازاق­ستان كوماندالارى مەن باقىلاۋشى رە­تٸن­­دە كەلٸپ وتىرعان قىرعىزستان, تەجٸك­­ستان, ۋكراينا مەملەكەتتەرٸ ٶكٸل­­دەرٸ­­نٸڭ شەرۋٸنەن كەيٸن قازاقستان رەسپۋب­لي­كاسىنىڭ جەنە تمد ەلەكتر-ەنەر­گە­­تي­كالىق كەڭەسٸنٸڭ تۋ­لارى كٶتەرٸل­­دٸ. ۇيىمداستىرۋ كوميتەتٸ­نٸڭ تٶر­اعا­سى ە.ميشۋككە پوليگون باس­شىسى ەرجان عوسمانوۆتىڭ كومان­دا­لاردىڭ تولىق دا­يىن­دىعى تۋرا­لى بايانداۋىنان كەيٸن التى كەزەڭ­نەن تۇراتىن جارىس باستالىپ كەتتٸ. قۇرامىن­دا 17 تٶرەشٸ بار ارنايى توپقا قولدانىستاعى ەرەجەلەر مەن نۇس­قاۋ­لىقتى بٸلۋ, قۋات ٶتكٸزۋ جاب­دىق­تارعا باقىلاۋ جٷرگٸزۋ داعدىسى, 110 كۆ جوعارى ۆولتتىق گەرمەتيكالىق ەندٸ­رٸمگە تەحنيكالىق قىزمەت كٶرسەتۋ, «كرۋن-10 كۆ» سىرتقى قوندىرعىنىڭ كە­شەن­دٸ تاراتۋ قۇرىلعىلارىندا ٶرت­تٸ سٶندٸرۋ داعدىلارى, ەلەكتر توعى­نان زار­داپ شەگۋشٸنٸ بوساتۋ جەنە وعان كٶمەك كٶرسەتۋ (مانەكەن مەن رەا­ني­ما­­تسييا­­لىق جاتتىقتىرعىش ارقىلى) شەبەر­­لٸگٸ بويىنشا 1000 بالدىق ەسەپ­پەن باعا­لاۋ مٸندەتٸ جٷكتەلگەن. تٶرە­شٸلەر قۇرا­مىنىڭ مولدىعى جەنە ولاردىڭ تيٸستٸ انت قابىلداۋى جارىس­قا اسا زور مەن بەرٸلەتٸنٸن اڭعارتادى.

جارىستىڭ بٸرٸنشٸ كٷنٸ 5 كوماندا جەرەبەلٸك كەستە بويىنشا 6 كەزەڭ­دٸك سايىستى ٶز كەزەگٸمەن اتقاردى. بٸز­دٸڭ بايقاۋىمىزشا, جارىس جولىنا شىققان ەنەرگەتيكا سالاسىنىڭ ماماندارى كەسٸبي دايىندىعى جٶنٸنەن جوعارى كٶرسەتكٸشكە قول جەتكٸزدٸ.

باس تٶرەشٸنٸڭ ورىنباسارى نۇربول اپپاقوۆپەن تٸلدەسكەنٸمٸزدە تٶمەن­دەگٸ­دەي پٸكٸرلەرٸمەن بٶلٸستٸ.

– بٷگٸن بەلارۋس كومانداسى كوم­پيۋ­تەر­لٸك كلاستا تەورييالىق بٸلٸم, قازاق­ستان تەپلوۆيزورلىق (جاب­دىقتاردىڭ جۇمىس بارىسىندا قىزۋى) دياگنوستيكا, گرۋ­زييا جوعارى كەرنەۋلٸ ايىرعىشتار, رەسەي جوعا­رى كەرنەۋلٸ كٸرٸس جەنە ٶزبەك­ستان ٶن­دٸ­رٸ­ستٸك جاعدايدا ٶرت سٶندٸرۋ ما­شىق­­تارىن كٶرسەتتٸ. قازٸرشە تولىق قورى­تىن­دى جاساۋ ەرتەرەك. ەيتكەنمەن, قازاق­­ستان­­دىق جەتەكشٸ ينجەنەر قايرات قۇلماعام­بەتوۆتٸڭ, «ٶزبەكەنەرگو» اق ەلەكتر سلەسارٸ اسكادحون مۋمينوۆتٸڭ, «مينس­كەنەرگو» قوسالقى ستانسا قىز­مەتٸنٸڭ شەبەرٸ الەكساندر جيبۋلدٸڭ, گرۋزييالىق «تەلاسي» اق مونتەرٸ الەكسي شۋرگانيانىڭ كەسٸبي بٸلٸكتٸلٸگٸنٸڭ جو­عارى ەكەندٸگٸ كٶرٸنٸپ تۇردى, – دەدٸ ول.

قىرعىز ەلٸنەن كەلگەن باقىلاۋشى الەك­­سەي بورودين دە جارىستىڭ تالاپقا ساي ٶتٸپ جاتقاندىعىن, حالىقارالىق دەڭ­­­گەي­­دەگٸ بٸلٸكتٸلٸك سايىسىنىڭ جوعا­رى دەڭ­­­گەيدە ۇيىمداستىرىلعانىن اتاپ ٶتتٸ.

شارا بارىسىندا حالىقارالىق حولدينگ قۇرامىنداعى رۋدنىي قالاسىندا ور­نا­لاسقان «قازاق ەلەكتر-ارماتۋرا زاۋى­تى» جشس, ەلەمگە اتى تانىمال «كارابەللي» جەنە «سيمەنس», KEGOC كوم­­پانييا­لارىنىڭ يننوۆاتسييا­لىق جاب­دىق­تارىنىڭ تانىستىرىلىم كٶرم­ەسٸ ۇيىم­داستىرىلدى. سونداي-اق مەرە­كە­لٸك سي­پات­تاعى جارىس ارالى­عىن­دا وعان قا­تىسۋ­­شىلار اقمولا وبلىس­تىق في­­لار­­­مو­نييا­سى مەن كەنجەبەك كٷمٸس­بەكوۆ اتىن­­داعى قازاق حالىق اسپاپتارى ور­كەسترٸ­­نٸڭ كونتسەرتٸنە كۋە بولىپ, ەتنو اۋىل­دىڭ ۇلتتىق جابدىقتارىن تاماشالادى جەنە قوناقجاي داستارقاننان دەم تاتتى. اتشاپتىرىم القاپتا سەيگٷلٸك­تەر جارىسى ۇيىمداستىرىلىپ, قىز قۋۋ, تەڭگە الۋ سيياقتى ۇلتتىق ٶنەرٸمٸز كٶرسەتٸلدٸ.

باقبەرگەن امالبەك,

«ەگەمەن قازاقستان»

اقمولا وبلىسى