«Birlik» partiiasynyń Nur-Sultan qalasynda kezekten tys besinshi sezin ótkizdi, dep habarlaidy "Ult aqparat".
Beinekonferentsiia rejiminde ótken sezge partiianyń Nur-Sultan, Almaty, Shymkent qalalary men barlyq óńirden ókilderi qatysty.
Partiianyń tóraǵasy Serik Sultanǵalidiń aitýynsha, sezd aiasynda delegattardyń, sondai-aq partiianyń barlyq aimaqtardaǵy músheleriniń usynystary qabyldandy.
«Bizdiń partiiamyz óz jumysyna dálelsiz ádispen nazar aýdartýdan qashanda aýlaq boldy. Jumysymyzda bireýge unaý jaǵdaiaty bolǵan emes. Bizdiń partiia – naqty ister partiiasy. «Nur Otan» ishki praimeriz júrgizýde, basqa partiialar da belsendilik tanytyp otyr. Ýaqyt belsendilikti talap etip otyrǵany túsinikti», - dep atap ótti sezd barysynda sóz sóilegen «Birlik» partiiasynyń tóraǵasy Serik Sultanǵali.
Sonymen birge, ol «Aýyl» partiiasymen birigý máselesine qatysty túsinikteme berip ótti. Atap óte keteiik, buǵan deiin biriktirýge qatysty usynystyń qabyldanbaǵany týraly habarlanǵan.
«Eseigen partiia retinde, barlyq saiasi oqiǵalarǵa qatysýǵa kúshimiz bar jáne oǵan daiynbyz. Bizdiń partiiamyzdyń qaǵidaty – qurǵaq ýáde bermeý, iaǵni sailaýshylar men halyqtyń aldynda kópti ýáde etip, bos sóz aitpaý. Mysalǵa, bir aýylǵa sý qubyryn júrgizip bersek te, bul naqty jumys bolar edi. Az bolsa da, jumys. Eger bir kópbalaly otbasyna birer keli un, káspit aparyp, aqshalai kómektessek – bul naqty is», - dep atap ótti S.Sultanǵali.
Sezd barysynda partiia Jarǵysyna ózgerister engizildi.
«Birlik» saiasi partiiasy qoǵamdyq birlestiginiń Jarǵysy 2016 jyldyń 3 aqpanynda bekitilgen. Partiia organdarynyń sheshimderdi jedel qabyldaý jáne QR qoldanystaǵy zańnamasyna sáikes júrgizý maqsatynda partiianyń Jarǵysyna ózgerister men tolyqtyrýlar engizý usynylyp otyr. Jarǵyǵa engiziletin negizgi jáne mańyzdy ózgerister mynalar: sheshimderdi jyldam qabyldaý maqsatynda «Partiiaǵa jańa múshelerdi qabyldaý týraly sheshim shyǵarý múmkindigi» bóliminde partiia tóraǵasynyń ókildigi tolyqtyryldy, partiia seziniń quzyreti tolyqtyryldy, Jarǵy partiia seziniń otyrysyn beinekonferentsiia rejiminde ótkizýge múmkindik beretin bólimmen tolyqty. Partiia seziniń sheshimderin jedel qabyldanýyn qamtamasyz etý jáne ákimshilik shyǵyndardy qysqartý maqsatynda partiia sezin beinekonferentsbailanys rejiminde ótkizý qarastyrylyp otyr», - dedi partiia hatshysy Murat Qojamqulov.
Sonymen birge, partiia tóraǵasynyń quzyreti, sondai-aq onyń ókilettigin óz erkimen merziminen buryn toqtatý jaǵdaiynda partiianyń jańa tóraǵasyn sailaý tártibi tolyqtyryldy.
«Partiia tóraǵasy óz ókilettigin merziminen buryn toqtatý týraly ótinishti berý kezinde Saiasi keńes partiianyń jańa tóraǵasynyń sailanýyn qamtamasyz etý mindeti júkteletin atqarýshy hatshyny sailaidy», - dep tolyqtyrdy partiia hatshysy.
