Nur Otan partiiasy Tóraǵasynyń birinshi orynbasary Baýyrjan Baibek qazaqstandyqtardy Qazaqstan halqynyń birligi kúnimen quttyqtady, dep habarlaidy "Ult aqparat".
«Qadirli dostar, barshańyzdy Qazaqstan halqynyń birligi kúnimen shyn júrekten quttyqtaimyn. Bul mereke – Tuńǵysh Prezident Nursultan Nazarbaev negizin salǵan halqymyzdy uiystyrý ideiasynyń jarqyn kórinisi. Qashanda birlik, kelisim jáne ózara qurmet – elimizdiń tabysty da ornyqty damýynyń berik tuǵyry.⠀
Búginde Elbasynyń tapsyrmasy boiynsha Nur Otan partiiasy Memleket basshysy Qasym-Jomart Toqaevtyń bastamasymen qolǵa alynǵan biregei sharalarǵa atsalysyp, buǵan qosymsha muqtaj qazaqstandyqtarǵa ataýly kómek kórsetýdi jalǵastyryp jatyr», - dep jazdy ol Facebook paraqshasynda.
Ol qazirdiń ózinde 98 myńnan astam otbasy azyq-túlik jiyntyǵy men antiseptik alǵany týraly jazdy. Budan bólek 100 myń otbasy tegin maskamen qamtamasyz etilgen.⠀
«Elbasy Nursultan Nazarbaevtyń bastamasymen qurylǵan «Birgemiz» qory osy aptada Qazaqstan halqynyń birligi kúni qarsańynda taǵy 210 myń otbasyǵa 50 myń teńgeden birjolǵy tólem jasap, kómek kórsetýdiń ekinshi kezeńin aiaqtady. Osylaisha, elimizde 360 myńnan astam muqtaj otbasy tikelei qarjylyq kómek aldy. Otbasy múshelerin qosqanda, bul shamamen 1 mln qazaqstandyqty qamtidy.
Elbasy óz quttyqtaýynda atap kórsetkendei, «halqymyzdyń yrys-yntymaǵy tarih pen taǵdyr syiy emes, árqaisymyzdyń eren eńbegimiz ben zor jaýapkershiligimizdiń nátijesi».⠀
Halqymyzdyń birligi men yntymaǵy, ózara qoldaýy men ór rýhynyń arqasynda biz kez kelgen qiyndyqty, onyń ishinde qazirgi daǵdarysty da eńseretinimizge senimdimin. Nur Otan partiiasy Nursultan Nazarbaevtyń basshylyǵymen buǵan bar kúshin salady«, - deidi Baýyrjan Baibek.
Ol barsha qazaqstandyqqa myqty densaýlyq, tolaǵai tabys, otbasylarǵa amandyq jáne baq-bereke tiledi.
.jpeg)