Tsifrlyq damý, innovatsiialar jáne aeroǵarysh ónerkásibi ministri Baǵdat Mýsinniń áleýmettik jelidegi paraqshasynda sheteldegi Qazaqstan azamattary úshin jańa qyzmetter týraly habarlady. Onyń sózinshe, ár apta saiyn shetelde júrgen otandastarymyzdan qandai da bir qaǵazǵa qatysty isterdi sheshý boiynsha ótinishter kelip túsedi, - dep habarlaidy «Ult aqparat».
Bir anyqtama alý úshin otanyna kelip-ketýge májbúr bolady. Onyń ishinde pasportty ózgertý, balanyń týǵanyn tirkeý, mysaly, úilený nemese ajyrasý sekildi qyzmetter jii ushyrasady.
Sondyqtan atalǵan qyzmetterdi egov-ta shyǵarý týraly sheshim qabyldandy.
"Qazir shetelde júrgen kez kelgen qazaqstandyq neke qiiý nemese nekeni buzý, týýdy, qaitys bolýdy tirkeý jáne atyn, tegin, ákesiniń atyn ózgertý úshin qujattardy eGov.kz arqyly tapsyra alady", - dep túsindirdi Mýsin.
Qazir servisti álemniń 23 elinde ornalasqan respýblika azamattary paidalana alady, memleketter tizimi birtindep ulǵaiatyn bolady, dep tolyqtyrdy ministr.
Qazir QR Qarjy ministrligi qazaqstandyq pasporttardy berý merzimin qysqartý boiynsha jumys istep jatyr: qazir olardy daiyndaý ýaqyty 80 kúndi quraidy. Máskeýde iske qosylǵan pilottyq joba berý merzimin 30 kúntizbelik kúnge deiin qysqartýǵa múmkindik berdi, al bolashaqta ol 18-ge deiin qysqarady.
"Sheteldik mekemelerde baza ornatylady, berýdi 18 kúnge deiin jedeldetý boiynsha jumys isteimiz. Ári qarai ol eń kóp suranysqa ie qalalar men elderge – Frankfýrt, Berlin, Miýnhen, Vashington, Niý-Iork, Seýl jáne Dýbaiǵa taralady", - dep túsindirdi Qarjy ministri.
Qazaqstanda halyqtyń 62%-y, al bul shamamen 12 million qazaqstandyq elektrondy memlekettik qyzmetterdi paidalanady, dep habarlady baspasóz qyzmeti.
Aita keteiik, onyń aldynda Qazaqstanǵa kelgenderdiń saýalnamasy tsifrlyq formatqa aýystyrylatynyn aitty. Sondai-aq tsifrlyq damý, innovatsiialar jáne aeroǵarysh ónerkásibi ministri Baǵdat Mýsin saýalnamalardy smartfonnan toltyrýǵa bolatynyn habarlady.
"Qazirge deiin saýalnamalar qaǵazǵa toltyryldy, bul qolaisyz ekeni belgili. Qyzmetkerler kún saiyn júiege 1 000 qaǵaz saýalnamanyń málimetterin engizdi! Qolmen! Biz ony tsifrlyq formatqa aýystyramyz. Qosymshany júkteýdiń qajeti joq, tek QR kodyn skanerlep, smartfonnan saýalnamany toltyryńyz!"- dep málimdedi Baǵdat Mýsin.
Bul sheshimdi qabyldaýǵa 2020 jyly pandemiianyń da áseri boldy. Sebebi dál osy kezeńde shetelmen aradaǵy áýe bailanysy toqtap, qujat alý barysynda qiyndyqtar kezdesti. Ministr Baǵdat Mýsinniń aitýynsha, 2020 jyl qiyn boldy. Pandemiia tsifrlandyrý qarqynyn jedeldetti. Sol sebepti barlyǵy onlain rejimine ótip jatyr. Bailanys pen internetke qol jetimdiliktiń mańyzdylyǵy artty.
Internet pandemiia kezinde álemdi qutqardy. Halyq muny basqalar siiaqty sezindi, - dedi ministr.
Ministrliktiń esebenie sáikes, bailanys salasy jyl qorytyndysy boiynsha 8,6% -ǵa (880 mlrd teńge) ósýdi kórsetti. 5214 aýyl mobildi internetpen qamtamasyz etilgen, alaida 1200 aýylda internet jyldamdyǵyna qatysty máseleler qalyp otyr.
"2021 jyly biz sapany jaqsartý úshin jumys isteitin bolamyz. Ol úshin 286 aýyldy 3G/4G, 80 aýyldy spýtniktik transmissiiadan jerústi infraqurylymyna aýystyramyz jáne 255 aýyldy mobildi KJQ sapasyn jaqsartamyz", - dedi Mýsin.
Ministrdiń aitýynsha, buryn bailanys sapasynyń eń tómengi shegi rettelmegen. Endi bailanys sapasynyń eń tómengi kórsetkishteri anyqtalǵan ádisteme bekitildi: mysaly, 4G úshin – keminde 5 MB/sek, 3G úshin – 1 MB/sek.
Esterińizge sala keteiik, Tsifrlyq damý, innovatsiialar jáne aeroǵarysh ónerkásibi ministri Baǵdat Mýsinniń áleýmettik jelidegi paraqshasynda sheteldegi Qazaqstan azamattary úshin jańa qyzmetter týraly habarlady. Onyń sózinshe, ár apta saiyn shetelde júrgen otandastarymyzdan qandai da bir qaǵazǵa qatysty isterdi sheshý boiynsha ótinishter kelip túsedi. Bir anyqtama alý úshin otanyna kelip-ketýge májbúr bolady. Onyń ishinde pasportty ózgertý, balanyń týǵanyn tirkeý, mysaly, úilený nemese ajyrasý sekildi qyzmetter jii ushyrasady.
Sondyqtan atalǵan qyzmetterdi egov-ta shyǵarý týraly sheshim qabyldandy.
Qazir QR Qarjy ministrligi qazaqstandyq pasporttardy berý merzimin qysqartý boiynsha jumys istep jatyr: qazir olardy daiyndaý ýaqyty 80 kúndi quraidy. Máskeýde iske qosylǵan pilottyq joba berý merzimin 30 kúntizbelik kúnge deiin qysqartýǵa múmkindik berdi, al bolashaqta ol 18-ge deiin qysqarady.
