Elimizde keibir qurylys materialdary boiynsha importty 100 paiyz otandyq ónimge almastyrý josparlanyp otyr. Bul týraly QR Indýstriia jáne infraqurylymdyq damý ministri Qaiyrbek Óskenbaev málim etti, dep habarlaidy QazAqparat.
«Qurylys materialdary óndirisinde 24 jobany iske asyrý kózdelip otyr. Atalǵan shara importty 890 mln. AQSh dollaryna almastyrýǵa jáne eksport kólemin 206 mln. AQSh dollaryna arttyrýǵa múmkindik beredi. Sondai-aq, keramikalyq plitalar, avtoklavty gazobloktar, jylý oqshaýlaǵysh materialdar, sendvich-panelder siiaqty qurylys taýarlary boiynsha importty 100% almastyrý josparlanyp otyr», - dedi Qaiyrbek Óskenbaev Ortalyq kommýnikatsiialar qyzmeti alańynda ótken baspasóz máslihatynda.
Ministrdiń aitýynsha, indýstriialyq jobalardy iske asyrý importty almastyrýmen qatar, jańa jumys oryndaryn ashýǵa da múmkindik beredi.
«Jalpy elimiz boiynsha 131 indýstriialyq jobany iske asyrý josparlandy. Bul 38 myń jumys ornyn qurýǵa, sol sekildi 4 mlrd. AQSh dollaryna importty almastyrýǵa jáne shikizattyq emes eksportty 9 mlrd. AQSh dollaryna arttyrýǵa múmkindik beredi. Qurylys materialdarymen qosa, birqatar himiia ónerkásibi importyn tolyqtai otandyq ónimge almastyrý josparlanyp otyr», - deidi Óskenbaev.
