ەلٸمٸزدە كەيبٸر قۇرىلىس ماتەريالدارى بويىنشا يمپورتتى 100 پايىز وتاندىق ٶنٸمگە الماستىرۋ جوسپارلانىپ وتىر. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ مەلٸم ەتتٸ, دەپ حابارلايدى قازاقپارات.
«قۇرىلىس ماتەريالدارى ٶندٸرٸسٸندە 24 جوبانى ٸسكە اسىرۋ كٶزدەلٸپ وتىر. اتالعان شارا يمپورتتى 890 ملن. اقش دوللارىنا الماستىرۋعا جەنە ەكسپورت كٶلەمٸن 206 ملن. اقش دوللارىنا ارتتىرۋعا مٷمكٸندٸك بەرەدٸ. سونداي-اق, كەراميكالىق پليتالار, اۆتوكلاۆتى گازوبلوكتار, جىلۋ وقشاۋلاعىش ماتەريالدار, سەندۆيچ-پانەلدەر سيياقتى قۇرىلىس تاۋارلارى بويىنشا يمپورتتى 100% الماستىرۋ جوسپارلانىپ وتىر», - دەدٸ قايىربەك ٶسكەنباەۆ ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا.
مينيستردٸڭ ايتۋىنشا, يندۋسترييالىق جوبالاردى ٸسكە اسىرۋ يمپورتتى الماستىرۋمەن قاتار, جاڭا جۇمىس ورىندارىن اشۋعا دا مٷمكٸندٸك بەرەدٸ.
«جالپى ەلٸمٸز بويىنشا 131 يندۋسترييالىق جوبانى ٸسكە اسىرۋ جوسپارلاندى. بۇل 38 مىڭ جۇمىس ورنىن قۇرۋعا, سول سەكٸلدٸ 4 ملرد. اقش دوللارىنا يمپورتتى الماستىرۋعا جەنە شيكٸزاتتىق ەمەس ەكسپورتتى 9 ملرد. اقش دوللارىنا ارتتىرۋعا مٷمكٸندٸك بەرەدٸ. قۇرىلىس ماتەريالدارىمەن قوسا, بٸرقاتار حيمييا ٶنەركەسٸبٸ يمپورتىن تولىقتاي وتاندىق ٶنٸمگە الماستىرۋ جوسپارلانىپ وتىر», - دەيدٸ ٶسكەنباەۆ.
