Oqý jylynyń birinshi toqsanynda 2-3 mln qazaqstandyq oqýshy sabaqty qashyqtan oqydy. Bul týraly Ortalyq kommýnikatsiialar qyzmetinde ótken brifingte QR Bilim jáne ǵylym vitse-ministri Rústem Biǵari aitty, dep habarlaidy "Ult aqparat".
«Ózderińiz biletindei, birinshi toqsanda millionnan astam bala aralas formatta oqysa, 2-3 mln oqýshy sabaqty qashyqtan oqydy. Qashyqtan oqytý formasy boiynsha segiz bilim berý platformasy quryldy, olardy jergilikti atqarýshy organdar bilim berý uiymdaryna engizdi», - deidi QR Bilim jáne ǵylym vitse-ministri Rústem Biǵari.
Onyń aitýynsha, bilim berý júiesinde 2 millionnan astam ata-ana jumys istedi.
«Onlain rejimde 40 millionǵa jýyq úi tapsyrmasy men baqylaý jumysy berilgen. 2 millionnan astam ata-ana men 3 million oqýshy bilim berý júiesinde jumys istedi», - deidi ol.
