Foto: OQO ákimdiginiń baspasóz qyzmeti
Oqý-aǵartý ministrligi orta bilim komitetiniń habarlaýynsha, 1-synypqa qujattardy qabyldaý 2023 jyldyń 1 sáýirinde bastalyp, 1 tamyzǵa deiin jalǵasady.
Búginde 1 synypqa qabyldaýǵa 249 737 ótinish túsken. Onyń ishinde balalardyń 70%-ǵa jýyǵy memlekettik tilde oqytýdy tańdaǵan.
«Qujattardy qabyldaý shtattyq rejimde júrgizilip jatyr. Ata-analar belsendi. Biylǵy birinshi synypqa qabyldanýshylar arasynda memlekettik tilde oqyǵysy keletinder kóp. Qazaq tilinde oqytatyn synyptarǵa qabyldaý boiynsha Qyzylorda (94,1%), Mańǵystaý (93,2%), Ulytaý (82,5%), Túrkistan (80,6%) jáne Jambyl (79,4%) oblystary eń joǵary kórsetkishpen alda tur», – dedi komitet tóraǵasynyń orynbasary Jomart Qarambaev.
Qazir birinshi synypqa qabyldaý boiynsha ótinimderdiń joǵary kórsetkishteri Qyzylorda (92%), Ulytaý (83,7%), Shyǵys Qazaqstan (78%), Mańǵystaý (87,1%) Túrkistan (79,8%) oblystarynda baiqalady.
Azamattarǵa yńǵaily bolý úshin qujattardy qabyldaý memlekettik qyzmeti tolyǵymen avtomattandyrylǵan. 1-synypqa qabyldaý Egov.kz elektrondy úkimet veb-portaly arqyly júzege asyrylady. Balalar birinshi synypqa 6 jastan bastap ata-anasynyń nemese balanyń zańdy ókiliniń ótinishi negizinde qabyldanady.
Sondai-aq densaýlyq jaǵdaiy týraly qujattar (026/ý-3 nysany jáne 065/ý) jáne 3h4 ólshemdi 2 fotosýret qosa beriledi. Aldyn ala boljam boiynsha, jańa oqý jylynda 410 myńnan astam bala birinshi synypqa barady.
