فوتو: وقو ەكٸمدٸگٸنٸڭ باسپاسٶز قىزمەتٸ
وقۋ-اعارتۋ مينيسترلٸگٸ ورتا بٸلٸم كوميتەتٸنٸڭ حابارلاۋىنشا, 1-سىنىپقا قۇجاتتاردى قابىلداۋ 2023 جىلدىڭ 1 سەۋٸرٸندە باستالىپ, 1 تامىزعا دەيٸن جالعاسادى.
بٷگٸندە 1 سىنىپقا قابىلداۋعا 249 737 ٶتٸنٸش تٷسكەن. ونىڭ ٸشٸندە بالالاردىڭ 70%-عا جۋىعى مەملەكەتتٸك تٸلدە وقىتۋدى تاڭداعان.
«قۇجاتتاردى قابىلداۋ شتاتتىق رەجيمدە جٷرگٸزٸلٸپ جاتىر. اتا-انالار بەلسەندٸ. بيىلعى بٸرٸنشٸ سىنىپقا قابىلدانۋشىلار اراسىندا مەملەكەتتٸك تٸلدە وقىعىسى كەلەتٸندەر كٶپ. قازاق تٸلٸندە وقىتاتىن سىنىپتارعا قابىلداۋ بويىنشا قىزىلوردا (94,1%), ماڭعىستاۋ (93,2%), ۇلىتاۋ (82,5%), تٷركٸستان (80,6%) جەنە جامبىل (79,4%) وبلىستارى ەڭ جوعارى كٶرسەتكٸشپەن الدا تۇر», – دەدٸ كوميتەت تٶراعاسىنىڭ ورىنباسارى جومارت قارامباەۆ.
قازٸر بٸرٸنشٸ سىنىپقا قابىلداۋ بويىنشا ٶتٸنٸمدەردٸڭ جوعارى كٶرسەتكٸشتەرٸ قىزىلوردا (92%), ۇلىتاۋ (83,7%), شىعىس قازاقستان (78%), ماڭعىستاۋ (87,1%) تٷركٸستان (79,8%) وبلىستارىندا بايقالادى.
ازاماتتارعا ىڭعايلى بولۋ ٷشٸن قۇجاتتاردى قابىلداۋ مەملەكەتتٸك قىزمەتٸ تولىعىمەن اۆتوماتتاندىرىلعان. 1-سىنىپقا قابىلداۋ ەgov.kz ەلەكتروندى ٷكٸمەت ۆەب-پورتالى ارقىلى جٷزەگە اسىرىلادى. بالالار بٸرٸنشٸ سىنىپقا 6 جاستان باستاپ اتا-اناسىنىڭ نەمەسە بالانىڭ زاڭدى ٶكٸلٸنٸڭ ٶتٸنٸشٸ نەگٸزٸندە قابىلدانادى.
سونداي-اق دەنساۋلىق جاعدايى تۋرالى قۇجاتتار (026/ۋ-3 نىسانى جەنە 065/ۋ) جەنە 3ح4 ٶلشەمدٸ 2 فوتوسۋرەت قوسا بەرٸلەدٸ. الدىن الا بولجام بويىنشا, جاڭا وقۋ جىلىندا 410 مىڭنان استام بالا بٸرٸنشٸ سىنىپقا بارادى.
