Birikken Arab Ámirlikterinde maimyl sheshegi virýsyn juqtyrý jaǵdaiy anyqtaldy, dep habarlaidy QazAqparat Euronews aqparat agenttigine silteme jasap.
Sonymen qatar juqpaly dert Eýropa elderinde jyldam taralýda. Sársenbi kúni maimyl sheshegi virýsyn juqtyrý faktileri Chehiia men Sloveniiada anyqtaldy, Ulybritaniiada qazirdiń ózinde 78, al Portýgaliiada - 50-ge jýyq oqiǵa tirkelgen.
Frantsiianyń densaýlyq saqtaý ministri Brijit Býrginon Lýi Paster institýtyna baryp, qalyptasqan jaǵdaidy tótenshe biologiialyq zertteýler departamentiniń ǵalymdarymen talqylady.
«Bul aýrý kóp jaǵdaida jeńil túrde ótetinin, al virýs juqtyrǵandar úide oqshaýlanatynyn eskergen jón. Eki-úsh aptada jazylyp ketetin aýrý taramas úshin ózin-ózi oqshaýlaý qajet», - dedi Býrginon.
Aýrýdyń inkýbatsiialyq kezeńi bir aptadan úsh aptaǵa deiin sozylady. Onyń belgileri – qyzýdyń kóterilýi, bas, bulshyqet aýyrýy, sharshaý jáne búkil denege taralýy múmkin bórtpe.
Keibir ǵalymdardyń pikirinshe, sheshek aýrýyna qarsy vaktsinatsiia maimyl aýrýynan tiimdi qorǵanys bolýy múmkin.
