Nur-Sultan qalasyna Birikken Arab Ámirlikterinen gýmanitarlyq kómek jetkizildi, dep habarlaidy "Ult aqparat".
«Meditsinalyq múlik Qazaqstan Qorǵanys ministrligine BAÁ Qarýly Kúshteriniń qolbasshylyǵy arqyly berilip, áskeri bortpen jetkizildi.
Elimizge qaitarymsyz negizde meditsinalyq qorǵaý kostiýmderi, maskalar, qolǵaptar jáne dezinfektsiia quraldary berildi. Júktiń jalpy salmaǵy 17,7 tonnany quraidy.
Gýmanitarlyq kómek ózara qoldaý kórsetýdiń jalpy qabyldanǵan halyqaralyq tájiribesi bolyp tabylady. Kúrdeli epidemiologiialyq jaǵdai kezinde álemniń barlyq memleketteri áleýmettik-ekonomikalyq áleýetine jáne geografiialyq qashyqtyǵyna qaramastan ózara kómekke júginedi», - delingen QR Qorǵanys ministrliginiń aqparatynda.
