Atyraýǵa charterlik reispen Birikken Arab Ámirliginen 126 el azamaty oraldy, dep habarlaidy "Ult aqparat".
«Bulardyń bári – osy elge demalýǵa barǵan qazaqstandyqtar. Olardyń arasynda Atyraý oblysynan 106 adam bar. Al, 20 adam – kórshiles Aqtóbe, Batys Qazaqstan, Mańǵystaý oblystarynyń turǵyndary. Olardy áýejaida dárigerler qarsy alyp, barlyǵynyń dene qyzýyn tekserdi. Eshqaisysynan joǵary temperatýra baiqalmady. Sodan soń úilerine jiberildi. Dárigerler olardy meken-jaiynda 14 kún baqylaýǵa alady. Kórshiles oblystarda turatyndardyń meken-jaiyn, bailanys nómirlerin aldyq. Barlyq derekti sol oblystardaǵy áriptesterimizge beremiz», - dedi Atyraý oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Amantai Jumaǵaliev.
