Ataýly kómek qarajaty óńirlerge 100% aýdaryldy, dep habarlaidy "Ult aqparat".
«Nur Otan» partiiasy baspasóz qyzmetiniń habarlaýynsha, qazirdiń ózinde eldiń áleýmettik osal toptaryna bir rettik kómek kórsetý úshin «Birgemiz» qorynan 5 milliardtan astam teńge elimizdiń aimaqtaryna jiberildi.
Qor basshylyǵy aptanyń aiaǵyna deiin barlyq qarajatty bólý týraly naqty mindet qoidy. Partiianyń jiti baqylaýymen ákimdikter qarajatty alýshylardyń tizimderin jasap úlgerdi. Tólemder muqtaj jandardyń banktik kartalaryna avtomatty túrde túsedi, operatsiia nátijesi boiynsha bank somanyń eseptelgendigi týraly SMS habarlama jiberedi.
Materialdyq kómek myna 7 sanattaǵy azamattardy qamtidy, olar: az qamtylǵan kópbalaly otbasylar, muqtaj múgedekter, múgedek balany tárbielep otyrǵan otbasylar, zeinetkerler, eń tómengi zeinetaqy alatyndar jáne halyqtyń áleýmettik osal toptarynyń tizimine enetinder, jetim balalar (jetim balalar jáne asyraýshysynyń birin joǵaltqan balalar), Uly Otan soǵysynyń ardagerleri jáne olarǵa teńestirilgen múgedekter, sondai-aq tyl eńbekkerleri.
Sondai-aq, qor esebinen Túrkistan oblysy Maqtaaral aýdanyndaǵy Myrzakent aýylynda 20 úidiń qurylysy aiaqtaldy. 12 úidiń qurylysy áli jalǵasýda.
