«Sizdiń esebińizge 50 000 teńge tústi. #BizBirgemiz #Elbasy #Nur Otan». Osyndai habarlany áleýmettik jaǵynan álsiz topqa jatatyn qazaqstandyq otbasylar alyp jatyr, dep habarlaidy "Ult aqparat" «Birgemiz» qoryna silteme jasap.
Nursultan Nazarbaevtyń bastamasymen qurylǵan «Birgemiz» Qoǵamdyq qory Qamqorshylyq keńesiniń ótken aptadaǵy otyrysynda koronavirýspen kúres jaǵdaiynda halyqtyń áleýmettik álsiz sanatyna kiretin muqtaj jandarǵa 50 myń teńgeden bólý týraly sheshim qabyldanǵan edi.
Bastapqyda qor qarajatyn 100 myń muqtaj azamatqa taratý josparlanǵan. Áitse de, óńirlerden túsken ótinishter sany aitarlyqtai ósip, al partiianyń onlain resýrstaryna kómek surap habarlasýshylar sany eki esege artty. Sondyqtan, Elbasynyń tapsyrmasy boiynsha Memleket basshysynyń bastamasymen qolǵa alynǵan «Biz Birgemiz» aktsiiasynyń aiasynda, birinshi kezeńde qarjylyq qoldaýdy 150 myńnan asa muqtaj azamatqa kórsetý týraly sheshim qabyldandy.
«Birgemiz» qoǵamdyq qorynyń tóraǵasy Rýslan Sakeevtiń málimetinshe, qazirgi tańda 50 myń teńge materialdyq kómekti 50 myńnan asa adam alyp úlgerdi.
«7,6 milliard teńge qarajat aimaqtyq qorlardyń esebine tústi. Aqsha sol jaqtan kómek alýshylardyń banktegi esep-shotyna aýdarylady. Bular negizinen karantin qiyndyqtaryn kóbirek shegip jatqan 23 iri qalanyń turǵyny. Ákimder men áleýmettik qorǵaý organdary usynǵan kómek alýshy tizimderinde tabys deńgeii eń tómen áleýmettik álsiz toptardan quralǵan azamattar qamtylǵan. Onyń ishinde az qamtylǵan jáne kópbalaly otbasylar, muqtaj múgedek jandar, múmkindigi shekteýli bala tárbielep otyrǵan otbasylar, eń tómengi zeinetaqy alatyn jáne áleýmettik jaǵynan álsiz topqa kiretin zeinetkerler, jetim balalar, UOS-nyń ardagerleri men olarǵa teńestirilgen tyl eńbekkerleri bar», - dedi Rýslan Sákeev.
Sonymen qatar, ol materialdyq kómekti ekinshi deńgeidegi bank arqyly jeke tulǵalardyń kartasyna nemese esepshotyna aýdarý kezinde odan komissiia alynbaitynyn aitty. Sondai-aq, bul qarajatty nesiesi boiynsha qaryzy bar azamattardyń bereshegin óteý úshin ustalyp qalmaýy da eskerilgen.
«Búgin erekshe qajettiligi bar balalardy tárbielep otyrǵan otbasylar «Bizbirgemiz« qorynan 50 000 teńge kómek ala bastady. Bul Elbasy men Nur Otan partiiasynyń arqasynda júzege asyp otyr. Áleýmettik saiasatty durys baǵytta júrgizip, ardagerlerdi, erekshe qajettiligi bar balalardy jáne turǵyndardyń áleýmettik álsiz toptaryn eshqashan qamqorlyqsyz qaldyrmaityndaryńyz úshin alǵysymyzdy bildiremiz. Osyndai qiyn ýaqytta árbiriniń esebine 50 myń teńgeden aýdaryp, múgedek balalardy da nazardan tys qaldyrmadyńyzdar», - dep jazdy «Orda» elordalyq aýtizimi bar balalardyń ata-analar birlestiginiń jetekshisi Saltanat Esmaǵambetova Facebook-tegi paraqshasynda .
«Búgin meniń kartama #Birgemiz qorynan 50 myń teńge túskeni týraly habarlamany alyp qýanyp qaldym. Elbasyna jáne Nur Otan partiiasyna qazirgidei qiyn kezeńde bizdi elep-eskergeni úshin raqmet aitamyn. Estýim boiynsha, mundai kómekti az qamtylǵan kópbalaly otbasylar, 1 top múgedekteri, jetim balalar alady. Qala turǵyndarynan karantin ýaqytynda barlyq qaýipsizdik sharalaryn qatań saqtap, asa qajet bolmaǵan jaǵdaida úiden shyqpaýlaryn ótinemin. Biz birge barlyq synaqqa tótep bere alamyz. #BizBirgemiz!», - dep jazdy Almaty qalasynyń turǵyny, úsh balanyń anasy Ásel Omarova Instagram-daǵy paraqshasynda.
Jalpy «Birgemiz» qoǵamdyq qorynyń esepshotyna 14 mlrd teńgege jýyq qarjy tústi. Jýyq arada 50 myń teńge kólemindegi birjolǵy tólemdi indet juqtyrǵandardyń 70%-ke jýyǵy shoǵyrlanǵan Nur-Sultan jáne Almaty qalalarynyń 2 myńnan astam dárigeri de alady.
«SQ-Farmatsiia» úkimettik operatorymen Nur-Sultan, Almaty jáne Shymkent qalalary turǵyndarynyń álsiz toptaryna tegin taratý úshin 5 million maska satyp alý týraly shartqa qol qoiyldy. Jinalǵan qarajat jáne óńirler boiynsha bólingen kómek týraly aqparatty baqylap otyrý úshin qor arnaiy sait ashty.
