Elimizdiń barlyq óńiri boiynsha taǵy eń muqtaj 100 myńnan astam otbasy 50 myń teńgeden aldy. Bul týraly «Nur Otan» patriiasy tóraǵasynyń birinshi orynbasary Baýyrjan Baibek aitty, dep habarlaidy "Ult aqparat".
«Elbasy, «Nur Otan» partiiasynyń lideri Nursultan Nazarbaevtyń tapsyrmasymen «Birgemiz» qoǵamdyq qory tólem jasaýdyń 5-shi tolqynyn aiaqtady. Elimizdiń barlyq óńiri boiynsha taǵy eń muqtaj 100 myńnan astam otbasy 50 myń teńgeden aldy. Sonymen, barlyǵy 650 myńnan astam otbasy nemese 2,2 mln qazaqstandyq tikelei qarjylyq qoldaýmen qamtyldy», - dep jazdy B.Baibek jelidegi paraqshasynda.
Sondai-aq, ol qor qarajaty esebinen 2 myńnan astam meditsina qyzmetkerine qoldaý kórsetilgenin, sý basýdan zardap shekken Maqtaaral turǵyndaryna 20 jańa úi salynǵanyn jetkizdi.
«Jalpy, #BizBirgemiz aktsiiasynyń aiasynda 320 myńdai otbasy azyq-túlik sebetterimen jáne birinshi kezekte qajetti taýarlarmen qamtamasyz etildi. Halyq arasyndaǵy qorǵanysy álsiz 100 myń otbasyǵa 5 million maska tegin taratyldy. Elbasy bastamasymen qorǵa 34 mlrd teńgedei qarajat jinaǵan barsha demeýshiler men metsenattarǵa taǵy da alǵys aitqym keledi. Koronavirýspen kúres kezeńinde muqtajdarǵa qoldaý kórsetý boiynsha osynaý igi iske atsalysa otyryp, elimiz ben halqymyz qajyrlylyq pen aýyzbirshiliktiń úlgisin kórsetti», - dep tolyqtyrdy ol.
