ەلٸمٸزدٸڭ بارلىق ٶڭٸرٸ بويىنشا تاعى ەڭ مۇقتاج 100 مىڭنان استام وتباسى 50 مىڭ تەڭگەدەن الدى. بۇل تۋرالى «Nur Otan» پاتريياسى تٶراعاسىنىڭ بٸرٸنشٸ ورىنباسارى باۋىرجان بايبەك ايتتى, دەپ حابارلايدى "ۇلت اقپارات".
«ەلباسى, «Nur Otan» پارتيياسىنىڭ ليدەرٸ نۇرسۇلتان نازارباەۆتىڭ تاپسىرماسىمەن «Birgemiz» قوعامدىق قورى تٶلەم جاساۋدىڭ 5-شٸ تولقىنىن اياقتادى. ەلٸمٸزدٸڭ بارلىق ٶڭٸرٸ بويىنشا تاعى ەڭ مۇقتاج 100 مىڭنان استام وتباسى 50 مىڭ تەڭگەدەن الدى. سونىمەن, بارلىعى 650 مىڭنان استام وتباسى نەمەسە 2,2 ملن قازاقستاندىق تٸكەلەي قارجىلىق قولداۋمەن قامتىلدى», - دەپ جازدى ب.بايبەك جەلٸدەگٸ پاراقشاسىندا.
سونداي-اق, ول قور قاراجاتى ەسەبٸنەن 2 مىڭنان استام مەديتسينا قىزمەتكەرٸنە قولداۋ كٶرسەتٸلگەنٸن, سۋ باسۋدان زارداپ شەككەن ماقتاارال تۇرعىندارىنا 20 جاڭا ٷي سالىنعانىن جەتكٸزدٸ.
«جالپى, #BizBirgemiz اكتسيياسىنىڭ اياسىندا 320 مىڭداي وتباسى ازىق-تٷلٸك سەبەتتەرٸمەن جەنە بٸرٸنشٸ كەزەكتە قاجەتتٸ تاۋارلارمەن قامتاماسىز ەتٸلدٸ. حالىق اراسىنداعى قورعانىسى ەلسٸز 100 مىڭ وتباسىعا 5 ميلليون ماسكا تەگٸن تاراتىلدى. ەلباسى باستاماسىمەن قورعا 34 ملرد تەڭگەدەي قاراجات جيناعان بارشا دەمەۋشٸلەر مەن مەتسەناتتارعا تاعى دا العىس ايتقىم كەلەدٸ. كوروناۆيرۋسپەن كٷرەس كەزەڭٸندە مۇقتاجدارعا قولداۋ كٶرسەتۋ بويىنشا وسىناۋ يگٸ ٸسكە اتسالىسا وتىرىپ, ەلٸمٸز بەن حالقىمىز قاجىرلىلىق پەن اۋىزبٸرشٸلٸكتٸڭ ٷلگٸسٸن كٶرسەتتٸ», - دەپ تولىقتىردى ول.
