Foto: pexels
Qostanai oblysy Meńdiqara aýdandyq soty birge turǵan áieliniń ólimine sebep bolǵan er adamǵa qatysty qylmystyq isti qarady. Oǵan densaýlyqqa qasaqana aýyr ziian keltirý arqyly abaisyzda ólimge ákep soqqan áreket boiynsha aiyp taǵylǵan, dep habarlaidy sottyń baspasóz qyzmeti.
Oqiǵa biyl 3 qańtar kúni keshki ýaqytta bolǵan. Sot materialdaryna sáikes, mas kúidegi er adam qyzǵanysh saldarynan birge turyp jatqan áielin soqqyǵa jyqqan. Alǵan aýyr jaraqattarynan jábirlenýshi kóz jumǵan.
Sottalýshy óz kinásin tolyq moiyndap, jasaǵan isine ókinish bildirgen. Prokýror oǵan 10 jyl bas bostandyǵynan aiyrý jazasyn suraǵanymen, sot barlyq mán-jaidy eskere otyryp, 8 jylǵa bas bostandyǵynan aiyrý týraly úkim shyǵardy.
Jaza taǵaiyndaý kezinde sot kináni moiyndaý, ókinish bildirý jáne sottalýshynyń kámeletke tolmaǵan balalary bar ekenin jeńildetetin mán-jailar retinde eskerdi. Al qylmysty alkogoldik mas kúide jasaý aýyrlatatyn faktor dep tanyldy.
Sot úkimi ázirge zańdy kúshine engen joq.
