Burynǵy Parlament depýtaty Birǵanym Áitimova Senatorlar keńesi tóraǵasynyń orynbasary laýazymyna taǵaiyndaldy, dep habarlaidy "Ult aqparat" senate.parlam.kz saityna silteme jasap.
Qyrkúiektiń 30 kúni ótken Senatorlar keńesiniń birinshi májilisinde Birǵanym Áitimova Senatorlar keńesi tóraǵasynyń orynbasary bolyp taǵaiyndaldy, Keńestiń hatshysy qyzmetine Nurlan Qylyshbaev taǵaiyndaldy.
Jiyna Senatorlar keńesiniń Jospary bekitildi.
Birǵanym Saryqyzy ÁITIMOVA 1953 jyly Batys Qazaqstan oblysynda dúniege keldi.
Oral pedagogikalyq institýtyn, Qazaq memlekettik ýniversitetin bitirgen. Orta mekteptiń oqytýshysy, keńshar komsomol komitetiniń hatshysy, Oral oblystyq komsomol komitetiniń sektor, bólim meńgerýshisi, qalalyq, oblystyq komsomol komitetiniń birinshi hatshysy qyzmetterin atqarǵan. 1990-1993 jyldary - Qazaqstan Respýblikasy Joǵarǵy Keńesi Jastar isi jónindegi komitetiniń tóraǵasy. 1993-1996 jyldary - Qazaqstan Respýblikasy Jastar isi, týrizm jáne sport ministri, Qazaqstan Respýblikasy Parlamenti Senatynyń depýtaty, Halyqaralyq ister, qorǵanys jáne qaýipsizdik komitetiniń múshesi. 1996-2002 jyldary - Qazaqstan Respýblikasynyń Izraildegi Tótenshe jáne Ókiletti Elshisi. 2002-2004 jyldary - Qazaqstan Respýblikasynyń Italiiadaǵy Tótenshe jáne Ókiletti Elshisi, Grekiiadaǵy, Maltadaǵy Tótenshe jáne Ókiletti Elshisi mindetin qosa atqarýshy. 2004-2007 jyldary - Qazaqstan Respýblikasy Premer-Ministriniń orynbasary, Bilim jáne ǵylym ministri. 2007-2013 jyldary - Qazaqstan Respýblikasynyń BUU janyndaǵy turaqty ókili. Kýba Respýblikasyndaǵy Elshi mindetin qosa atqarýshy (2007-2013); Solomon araldaryndaǵy Elshi mindetin qosa atqarýshy (2012-2013). «Qurmet», «Qurmet belgisi» ordenderimen, medaldarmen marapattalǵan.
