Almatyda iz-túzsiz ketken 15 jastaǵy internat tərbielenýshisin izdeýge politsiia, eriktiler, internat qyzmetkerleri atsalysyp jatyr, dep habarlaidy QazAqparat.
Damir Serikuly N.Ostrovskii atyndaǵy zaǵip jáne kózi nashar kóretin balalarǵa arnalǵan №4 mektep-internatynan 12 jeltoqsanda ketip qalǵan. Keteriniń aldynda hat jazyp, anasyna qaldyryp ketken.
«Tańerteń tańǵy asqa barýdan bas tartty. Eshkimge eskertpesten ketip qalǵan. Biraq hat jazyp ketken. Ony bizge anasy kórsetti. Hatynda jasóspirim onymen eshkim sóilespeitinin, barlyǵy teris ainalatynyn aityp shaǵymdanǵan. Bul hat internattan tabylmady. Bizde ondai bolýy múmkin emes. Ol internatta qonyp júrgen. Balalardyń barlyǵy Damirmen birge oinap, sabaqta sóilesip otyratyndaryn aitty. Olarmen sóilestik. Múmkin bireýge renjigen shyǵar. Biz eskertpei ketip qalady dep oilamadyq. Oǵan eshkim qysym kórsetken joq. Ózimiz de ań-tań boldyq. Internat ujymy ony kútip otyr. Politsiiaǵa aryzdandyq. Qazir barlyq izdestirý toby Damir barýy múmkin jerlerdi aralap júr»,- dedi internat direktorynyń oqý isi jónindegi orynbasary Baqytgúl Jumadilova.
Almaty qalalyq bilim basqarmasynyń məlimetinshe, izdestirý jumystaryna eki top jumyldyryldy. Ərqaisysynda 40-50 adam bar.
«Internat qyzmetkerleri kezekpen təýlik boiy jumys istep jatyr. Barlyq bazarlar, kompiýterlik klýbtar, 1-2 vokzaldar, Sairan avtovokzaly, saýda oryndary túgel tintildi», - dedi bilim basqarmasynan.
