الماتىدا ٸز-تٷزسٸز كەتكەن 15 جاستاعى ينتەرنات تəربيەلەنۋشٸسٸن ٸزدەۋگە پوليتسييا, ەرٸكتٸلەر, ينتەرنات قىزمەتكەرلەرٸ اتسالىسىپ جاتىر, دەپ حابارلايدى قازاقپارات.
دامير سەرٸكۇلى ن.وستروۆسكيي اتىنداعى زاعيپ جەنە كٶزٸ ناشار كٶرەتٸن بالالارعا ارنالعان №4 مەكتەپ-ينتەرناتىنان 12 جەلتوقساندا كەتٸپ قالعان. كەتەرٸنٸڭ الدىندا حات جازىپ, اناسىنا قالدىرىپ كەتكەن.
«تاڭەرتەڭ تاڭعى اسقا بارۋدان باس تارتتى. ەشكٸمگە ەسكەرتپەستەن كەتٸپ قالعان. بٸراق حات جازىپ كەتكەن. ونى بٸزگە اناسى كٶرسەتتٸ. حاتىندا جاسٶسپٸرٸم ونىمەن ەشكٸم سٶيلەسپەيتٸنٸن, بارلىعى تەرٸس اينالاتىنىن ايتىپ شاعىمدانعان. بۇل حات ينتەرناتتان تابىلمادى. بٸزدە ونداي بولۋى مٷمكٸن ەمەس. ول ينتەرناتتا قونىپ جٷرگەن. بالالاردىڭ بارلىعى داميرمەن بٸرگە ويناپ, ساباقتا سٶيلەسٸپ وتىراتىندارىن ايتتى. ولارمەن سٶيلەستٸك. مٷمكٸن بٸرەۋگە رەنجٸگەن شىعار. بٸز ەسكەرتپەي كەتٸپ قالادى دەپ ويلامادىق. وعان ەشكٸم قىسىم كٶرسەتكەن جوق. ٶزٸمٸز دە اڭ-تاڭ بولدىق. ينتەرنات ۇجىمى ونى كٷتٸپ وتىر. پوليتسيياعا ارىزداندىق. قازٸر بارلىق ٸزدەستٸرۋ توبى دامير بارۋى مٷمكٸن جەرلەردٸ ارالاپ جٷر»,- دەدٸ ينتەرنات ديرەكتورىنىڭ وقۋ ٸسٸ جٶنٸندەگٸ ورىنباسارى باقىتگٷل جۇمادٸلوۆا.
الماتى قالالىق بٸلٸم باسقارماسىنىڭ مəلٸمەتٸنشە, ٸزدەستٸرۋ جۇمىستارىنا ەكٸ توپ جۇمىلدىرىلدى. Əرقايسىسىندا 40-50 ادام بار.
«ينتەرنات قىزمەتكەرلەرٸ كەزەكپەن تəۋلٸك بويى جۇمىس ٸستەپ جاتىر. بارلىق بازارلار, كومپيۋتەرلٸك كلۋبتار, 1-2 ۆوكزالدار, سايران اۆتوۆوكزالى, ساۋدا ورىندارى تٷگەل تٸنتٸلدٸ», - دەدٸ بٸلٸم باسقارماسىنان.
