Órt saldarynan jan tapsrǵan 26 balanyń 13-i ata-ananyń qaraýynsyz qalǵan. Tótenshe jaǵdailar ministri Iýrii Ilin halyq aldynda esep berý barysyndai osynda málimet keltirdi, dep habarlaidy QazAqparat.
«Jalpy biyl órtten 29 bala tapqan, onyń 13-i eresekterdiń qaraýynsyz qalǵan. Osy múmkindikti paidalana otyryp, ata-analardy balalaryn qaraýsyz qaldyrmaýǵa shaqyramyn. Óskeleń urpaqtyń amandyǵy úshin qoǵamdyq qozǵalystar men úkimettik emes uiymdardy kópbalaly otbasyndaǵy balalardyń bos ýaqytyn uiymdastyrýmen ainalysýǵa shaqyrǵym keledi», - dedi ministr.
Sondai-aq, ol sońǵy jyldary jylytý maýsymy kezinde balalardyń ólimi jii tirkelip jatqanyn eske saldy.
«Qabyldanǵan karantindik sharalarǵa, atap aitqanda balabaqshalar men mektep mekemeleriniń qyzmetin shekteýge bailanysty balalardyń kóbi úide jáne kóbinese eresekterdiń qaraýynsyz boldy. Biyl Nur-Sultan qalasynda 2 bala, Jańatas qalasynda 5 bala jáne Túrkistan oblysynda 4 bala ólimi tirkeldi. Atalǵan qaiǵyly jaittardyń bárinde otbasylar áleýmettik osal sanatyna jatpaidy», - degen Iýrii Ilin qysta Nur-Sultan jáne Petropavl qalalarynda bolǵan rezonansty qaiǵyly oqiǵalarǵa da toqtaldy.
«4 adam qaitys bolyp, 15-ten astam adam zardap shekken bolatyn. Eki nysan da shaǵyn bizneske jatady. Moratorii saldarynan bizdiń vedomstvonyń tekserýine jatpaityn nysandar bolatyn. Azamattardyń qaýipsizdigi úshin biz mindetti túrde órt dabyly, órt sóndirý jáne habarlaý júielerimen jaraqtandyrýdy, sondai-aq turǵyn úilerdegi gazdanýdy baqylaýdy engizý máselelerin pysyqtadyq.
Buryn bul normalar biiktigi 10 qabatty jáne odan joǵary ǵimarattar, kóp páterli turǵyn úiler úshin ǵana kózdelgen bolatyn. Turǵyn úilerdiń gazben qalai jabdyqtalǵanyn baqylaý zańnamada qarastyrylmaǵan. Osyǵan bailanysty, azamattardyń nazaryn óz qaýipsizdikteri úshin múmkindiginshe órt datchikterin ornatý kerek ekenine aýdarǵym keledi», - dedi vedomstvo basshysy.
