Ótken jyldyń shilde aiynan beri elimizde 1093 aýyldyq eldi mekenniń basshysy sailandy. Bul týraly memlekettik keńesshi Erlan Qarin óziniń Telegram arnasynda jazdy, dep habarlaidy Ulysmedia.kz.
"Bir jyl buryn Qazaqstanda aýyl ákimderin tikelei sailaý tetigi jumys istei bastady. Ótken jyldyń shilde aiynan beri 1093 aýyldyq eldi mekenniń basshysy sailandy. Onyń 215-i – ózin-ózi usynǵandar, jańadan sailanǵan jetekshilerdiń 116-sy – áielder. Aita ketý kerek, aýyl ákimderiniń korpýsy 55,6 paiyzǵa jańartyldy, bul 608 jańa aýyl basshysy", - delingen habarlamada.
Qarinniń aitýynsha, jańa basshylardyń kópshiligi buryn memlekettik qyzmette jumys istemegen. Aýyl turǵyndarynyń qoldaýyn muǵalimder, dárigerler, kásipkerler, jergilikti kásiporyndar men sharýa qojalyqtarynyń basshylary alǵan.
"Jańa ákimderdiń basym bóligi Mańǵystaý – 77,8% (18-niń 14-i), Qaraǵandy – 77,2% (79-dyń 61-i) jáne Jambyl – 71% (72-niń 51-i) oblystarynda. Osy jeksenbi, 31 shildede 27 aýyldyq okrýgte sailaý ótedi. Al jyl sońyna deiin taǵy 214 aýyl basshysy sailanady", - dedi ol.
Sondai-aq Erlan Qarin 1037 aýyldyq okrýgte sailaý 2023 jáne 2024 jyldarǵa belgilengenin jáne aldaǵy ýaqytta aýdan ákimderiniń tikelei sailaýyn ótkizý josparlanyp jatqanyn aitty.
"Jańa konstitýtsiialyq reformaǵa sáikes, búgin oblys ákimderi oblys máslihattary depýtattarynyń daýys berý qorytyndysy boiynsha taǵaiyndalady. Osylaisha, elimizdiń saiasi júiesi qaita qurylýda, memlekettik basqarýǵa demokratiianyń jańa quraldary engizilip jatyr", - delingen jazbada.
