Ulttyq bank 2022 jyldyń shilde aiyndaǵy qarjy naryǵyndaǵy ahýalmen tanystyrdy, dep habarlaidy Ulysmedia.kz.
2022 jylǵy shildede teńgeniń birjalyq baǵamy 1 AQSh dollary úshin 464,39 – 484,62 teńge aralyǵynda ózgerdi. Shildeniń sońynda ol bir aida 1,5%-ǵa álsirep, 1 AQSh dollary úshin 477,07 teńge boldy.
Teńge-dollar valiýta juby boiynsha operatsiialardyń jalpy kólemi bir aida 10,2 mlrd AQSh dollaryn qurady, onyń ishinde Qazaqstan qor birjasyndaǵy birjalyq saýda-sattyq kólemi – 2,4 mlrd AQSh dollary, birjadan tys valiýta naryǵyndaǵy operatsiialar kólemi – 7,9 mlrd AQSh dollary boldy. Birjadan tys naryqtaǵy operatsiialardyń jalpy kóleminde bir enshiles banktiń úlesi 84,3% nemese 6,6 mlrd AQSh dollaryn qurady (2022 jylǵy maýsymda – 81,8% nemese 8,2 mlrd AQSh dollary), bul olardyń menshikti kapitaldy valiýtalyq táýekelderden hedjirleýine bailanysty boldy. Bul operatsiialar bank tobynyń ishinde júrgiziledi jáne ishki valiýta naryǵyndaǵy shetel valiýtasynyń suranysy nemese usynysy araqatynasyna áser etpeidi.
2022 jylǵy shildede halyq netto-negizde 125,4 mlrd teńgege balamaly somaǵa qolma-qol shetel valiýtasyn satyp aldy. Aldyńǵy aimen salystyrǵanda, bul shyǵystar 37,1%-ǵa ulǵaidy (2022 jylǵy maýsymda – 91,5 mlrd teńge), 2021 jyldyń uqsas kezeńimen salystyrǵanda (266,2 mlrd teńge), netto-satyp alý kólemi 2,1 ese tómendedi. Shyǵystardyń negizgi kólemi 65,5% nemese 82,2 mlrd teńge – AQSh dollaryn, 5,3% nemese 6,7 mlrd teńge – Resei rýblin, 28,9% nemese 36,2 mlrd teńge – eýrony satyp alýǵa baǵyttaldy.
Valiýtalardyń túrlerine qarai bólgende bir aida AQSh dollaryn satyp alýǵa arnalǵan shyǵystar 1,9 ese ósti (tómendeý 2,0 ese j/j), Resei rýblin satyp alýǵa arnalǵan shyǵystar 2,2 ese tómendep (tómendeý 9,9 ese j/j), eýrony satyp alýǵa arnalǵan shyǵystar 8,0%-ǵa ósti (ósý 12,3% j/j).
