Qostanailyq politsei adasyp ketken Resei turǵynyna kómektesti, dep habarlaidy oblystyq politsiia departamentiniń baspasóz qyzmeti.
Reseidiń Cheliabi oblysy Bredin aýdanynyń 77 jastaǵy turǵyny Antonina Chepýhina 24 naýryzda tańǵy júgirýge shyǵyp, adasyp ketken. Birneshe saǵattan keiin onyń týystary jergilikti politsiia organdaryna, RF men QR shekara bólimshelerine habarlasyp, dabyl qaqty.
«Joǵalǵan áiel abaisyzda Qazaqstan Respýblikasynyń shekarasyn kesip ótken. Onyń Qostanai oblysy, Denisov aýdany, Komarov aýyldyq okrýginiń aýmaǵynda júrgeni anyqtaldy. Izdeý jumystaryna Denisov aýdandyq politsiia bóliminiń jeke quramy jumyldyryldy», - delingen oblystyq politsiia departamentiniń baspasóz habarlamasynda.
Ýchaskelik inspektor Sábit Baityshev bastaǵan izdeý toby bir jarym kún boiy adasyp júrgen Resei azamatyn tapty. Ol Komarovka aýylynan 10 shaqyrym jerdegi Ýstrashimoe kóliniń janynda júrgen.
Ýchaskelik politsiia qyzmetkeri zeinetkerdi jaqyn jerdegi eldi mekenge jetkizip, meditsinalyq kómek kórsetti.
Zeinetkerdiń týystary qutqarýǵa kómektesken politsiia qyzmetkerlerine alǵystaryn bildirdi.
