قوستانايلىق پوليتسەي اداسىپ كەتكەن رەسەي تۇرعىنىنا كٶمەكتەستٸ, دەپ حابارلايدى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
رەسەيدٸڭ چەليابٸ وبلىسى برەدين اۋدانىنىڭ 77 جاستاعى تۇرعىنى انتونينا چەپۋحينا 24 ناۋرىزدا تاڭعى جٷگٸرۋگە شىعىپ, اداسىپ كەتكەن. بٸرنەشە ساعاتتان كەيٸن ونىڭ تۋىستارى جەرگٸلٸكتٸ پوليتسييا ورگاندارىنا, رف مەن قر شەكارا بٶلٸمشەلەرٸنە حابارلاسىپ, دابىل قاقتى.
«جوعالعان ەيەل ابايسىزدا قازاقستان رەسپۋبليكاسىنىڭ شەكاراسىن كەسٸپ ٶتكەن. ونىڭ قوستاناي وبلىسى, دەنيسوۆ اۋدانى, كوماروۆ اۋىلدىق وكرۋگٸنٸڭ اۋماعىندا جٷرگەنٸ انىقتالدى. ٸزدەۋ جۇمىستارىنا دەنيسوۆ اۋداندىق پوليتسييا بٶلٸمٸنٸڭ جەكە قۇرامى جۇمىلدىرىلدى», - دەلٸنگەن وبلىستىق پوليتسييا دەپارتامەنتٸنٸڭ باسپاسٶز حابارلاماسىندا.
ۋچاسكەلٸك ينسپەكتور سەبيت بايتىشەۆ باستاعان ٸزدەۋ توبى بٸر جارىم كٷن بويى اداسىپ جٷرگەن رەسەي ازاماتىن تاپتى. ول كوماروۆكا اۋىلىنان 10 شاقىرىم جەردەگٸ ۋستراشيموە كٶلٸنٸڭ جانىندا جٷرگەن.
ۋچاسكەلٸك پوليتسييا قىزمەتكەرٸ زەينەتكەردٸ جاقىن جەردەگٸ ەلدٸ مەكەنگە جەتكٸزٸپ, مەديتسينالىق كٶمەك كٶرسەتتٸ.
زەينەتكەردٸڭ تۋىستارى قۇتقارۋعا كٶمەكتەسكەن پوليتسييا قىزمەتكەرلەرٸنە العىستارىن بٸلدٸردٸ.
