Búgin, iaǵni, 29 maýsym kúni Astana qalasynda QR Din isteri jáne azamattyq qoǵam ministrliginiń uiymdastyrýymen Din salacyndaǵy máselelerdi jariialaý boiynsha jýrnalisterge arnalǵan oqytý treningi ótti, dep habarlaidy "Ult aqparat".
Trening din salasyndaǵy taqyryptarǵa qalam terbep júrgen jýrnalistermen, BAQ ókilderimen jáne sarapshylar qaýymdastyǵy ókilderimen din salasyndaǵy memlekettik saiasatty iske asyrýdy aqparattyq súiemeldeý máseleleri boiynsha pikir almasý, basymdyqtardy anyqtaý jáne usynystar berý maqsatynda ótkizildi.
Is-sharada moderatorlyq jasaǵan Din isteri komiteti Mádenietter men dinderdiń halyqaralyq ortalyǵynyń direktory Ábýov Aidar Parqululy kirispe sózinde sońǵy jyldary oryn alyp otyrǵan aqparattyq jahandaný jaǵdaiynda din taqyryby sekildi óte názik salaǵa qatysty máselelerdi qozǵaýdaǵy BAQ ókilderiniń róline erekshe toqtalyp ótti. «Din sekildi názik máselede jýrnalistik etikany saqtaý óte mańyzdy. Bul máselede ýákiletti organnyń ókilderimen, sarapshylarmen jáne dini birlestiktermen birlesip, aqyldasyp jumys istegen jón. Eń bastysy, din salasyndaǵy taqyryptardy jariialaýda obektivtilik basshylyqqa alynýy qajet» dep atap ótti.
Trening jumysyna qatysyp, baiandama jasaǵan QR Din isteri jáne azamattyq qoǵam vitse-ministri Aryn Berik Saqbaiuly Ministrliktiń din salasyndaǵy memlekettik saiasatty iske asyrý baǵytynda júrgizilip otyrǵan jumystar men ondaǵy basymdyqtarǵa keńinen toqtaldy. Ol osy rette qazaqstandyq qoǵamda qalyptasyp otyrǵan konfessiiaaralyq kelisimdi saqtaý men nyǵaitý memleket tarapynan júrgizilip otyrǵan júieli saiasattyń nátijesi ekenin aita kelip, BAQ ókilderin qoǵamymyzda berik ornyqqan tatýlyq pen kelisimdi, zaiyrly qaǵidattar men dástúrli rýhani qundylyqtardy keńinen nasihattaýǵa jáne turǵyndardyń boiynda radikaldyq dini aǵymdardyń teris ideialaryna qarsy tura alatyn immýnitet qalyptastyrý isine belsendi qatysýǵa shaqyrdy.
Treningte sóz alǵan Din máseleleri jónindegi ǵylymi-zertteý jáne taldaý ortalyǵynyń bólim basshysy Novikova Galina Nikolaevna Qazaqstandaǵy hristiandyq baǵyttaǵy jańa dini uiymdardyń turǵyndarmen jumys isteý ádisteri týraly, al Qaraǵandy oblysynda tabysty jumys istep otyrǵan «Nurly bilim» qoǵamdyq birlestiginiń ókili Syzdyqov Rústem Málikuly qazirgi álemdegi radikaldyq dini aǵymdardyń qaýpi týraly jan-jaqty ári tyńǵylyqty baiandamalar jasady. Din isteri komitetiniń Mádenietter men dinderdiń halyqaralyq ortalyǵynyń bólim basshysy Esenova Dianna Bekhanqyzy is-sharaǵa jinalǵan jýrnalister qaýymyn buqaralyq aqparat quraldarynda dini ekstremizmmen jáne terrorizmen bailanysty aqparattardyń berilý formalary týraly aqparatpen qanyqtyrdy.
Treningke arnaiy qatysqan tanymal qoǵam belsendisi, QR Ulttyq kitaphana direktorynyń keńesshisi Aidos Sarym radikaldyq dini aǵymdarǵa tosqaýyl qoiýdy ulttyq tutastyqty saqtap qalýdyń mańyzdy tetigi ekenine toqtaldy. Ol óz sózinde «Búgingi kúni tereńdigi jóninen eń úlken qaýip dini radikalizmge tirelip otyr. Biz qalai bolǵanda da «bir ult – bir jamaǵat» degen qaǵidany berik ustanýymyz kerek. Biz jan-jaǵymyzǵa bajailap qarar bolsaq, keshe ǵana bir memleket bolǵan elderdiń dini ózgeristerge túsip taǵdyrdyń tálkegine, kúshti elderdiń talan-tarajyna túskenin kórip otyrmyz. Muny Elbasymyz úlkendi-kishili jiyndarda únemi aityp júr. Sondyqtan dini radikalizmnen týyndaityn shetkeri kózqarastar men áreketterge búkil qoǵam bolyp qarsy turýymyz kerek» dep aityp ótti.
Trening sońynda is-sharaǵa qatysýshylar kóterilgen máseleler tóńiregindegi oilarymen bólisip, pikir almasty.
Is-shara treningke qatysqan jýrnalisterge sertifikattar berýmen aiaqtaldy.
