بٷگٸن, ياعني, 29 ماۋسىم كٷنٸ استانا قالاسىندا قر دٸن ٸستەرٸ جەنە ازاماتتىق قوعام مينيسترلٸگٸنٸڭ ۇيىمداستىرۋىمەن دٸن سالاcىنداعى مەسەلەلەردٸ جارييالاۋ بويىنشا جۋرناليستەرگە ارنالعان وقىتۋ ترەنينگٸ ٶتتٸ, دەپ حابارلايدى "ۇلت اقپارات".
ترەنينگ دٸن سالاسىنداعى تاقىرىپتارعا قالام تەربەپ جٷرگەن جۋرناليستەرمەن, باق ٶكٸلدەرٸمەن جەنە ساراپشىلار قاۋىمداستىعى ٶكٸلدەرٸمەن دٸن سالاسىنداعى مەملەكەتتٸك ساياساتتى ٸسكە اسىرۋدى اقپاراتتىق سٷيەمەلدەۋ مەسەلەلەرٸ بويىنشا پٸكٸر الماسۋ, باسىمدىقتاردى انىقتاۋ جەنە ۇسىنىستار بەرۋ ماقساتىندا ٶتكٸزٸلدٸ.
ٸس-شارادا مودەراتورلىق جاساعان دٸن ٸستەرٸ كوميتەتٸ مەدەنيەتتەر مەن دٸندەردٸڭ حالىقارالىق ورتالىعىنىڭ ديرەكتورى ەبۋوۆ ايدار پارقۇلۇلى كٸرٸسپە سٶزٸندە سوڭعى جىلدارى ورىن الىپ وتىرعان اقپاراتتىق جاھاندانۋ جاعدايىندا دٸن تاقىرىبى سەكٸلدٸ ٶتە نەزٸك سالاعا قاتىستى مەسەلەلەردٸ قوزعاۋداعى باق ٶكٸلدەرٸنٸڭ رٶلٸنە ەرەكشە توقتالىپ ٶتتٸ. «دٸن سەكٸلدٸ نەزٸك مەسەلەدە جۋرناليستٸك ەتيكانى ساقتاۋ ٶتە ماڭىزدى. بۇل مەسەلەدە ۋەكٸلەتتٸ ورگاننىڭ ٶكٸلدەرٸمەن, ساراپشىلارمەن جەنە دٸني بٸرلەستٸكتەرمەن بٸرلەسٸپ, اقىلداسىپ جۇمىس ٸستەگەن جٶن. ەڭ باستىسى, دٸن سالاسىنداعى تاقىرىپتاردى جارييالاۋدا وبەكتيۆتٸلٸك باسشىلىققا الىنۋى قاجەت» دەپ اتاپ ٶتتٸ.
ترەنينگ جۇمىسىنا قاتىسىپ, بايانداما جاساعان قر دٸن ٸستەرٸ جەنە ازاماتتىق قوعام ۆيتسە-مينيسترٸ ارىن بەرٸك ساقبايۇلى مينيسترلٸكتٸڭ دٸن سالاسىنداعى مەملەكەتتٸك ساياساتتى ٸسكە اسىرۋ باعىتىندا جٷرگٸزٸلٸپ وتىرعان جۇمىستار مەن ونداعى باسىمدىقتارعا كەڭٸنەن توقتالدى. ول وسى رەتتە قازاقستاندىق قوعامدا قالىپتاسىپ وتىرعان كونفەسسيياارالىق كەلٸسٸمدٸ ساقتاۋ مەن نىعايتۋ مەملەكەت تاراپىنان جٷرگٸزٸلٸپ وتىرعان جٷيەلٸ ساياساتتىڭ نەتيجەسٸ ەكەنٸن ايتا كەلٸپ, باق ٶكٸلدەرٸن قوعامىمىزدا بەرٸك ورنىققان تاتۋلىق پەن كەلٸسٸمدٸ, زايىرلى قاعيداتتار مەن دەستٷرلٸ رۋحاني قۇندىلىقتاردى كەڭٸنەن ناسيحاتتاۋعا جەنە تۇرعىنداردىڭ بويىندا راديكالدىق دٸني اعىمداردىڭ تەرٸس يدەيالارىنا قارسى تۇرا الاتىن يممۋنيتەت قالىپتاستىرۋ ٸسٸنە بەلسەندٸ قاتىسۋعا شاقىردى.
ترەنينگتە سٶز العان دٸن مەسەلەلەرٸ جٶنٸندەگٸ عىلىمي-زەرتتەۋ جەنە تالداۋ ورتالىعىنىڭ بٶلٸم باسشىسى نوۆيكوۆا گالينا نيكولاەۆنا قازاقستانداعى حريستياندىق باعىتتاعى جاڭا دٸني ۇيىمداردىڭ تۇرعىندارمەن جۇمىس ٸستەۋ ەدٸستەرٸ تۋرالى, ال قاراعاندى وبلىسىندا تابىستى جۇمىس ٸستەپ وتىرعان «نۇرلى بٸلٸم» قوعامدىق بٸرلەستٸگٸنٸڭ ٶكٸلٸ سىزدىقوۆ رٷستەم مەلٸكۇلى قازٸرگٸ ەلەمدەگٸ راديكالدىق دٸني اعىمداردىڭ قاۋپٸ تۋرالى جان-جاقتى ەرٸ تىڭعىلىقتى باياندامالار جاسادى. دٸن ٸستەرٸ كوميتەتٸنٸڭ مەدەنيەتتەر مەن دٸندەردٸڭ حالىقارالىق ورتالىعىنىڭ بٶلٸم باسشىسى ەسەنوۆا دياننا بەكحانقىزى ٸس-شاراعا جينالعان جۋرناليستەر قاۋىمىن بۇقارالىق اقپارات قۇرالدارىندا دٸني ەكسترەميزممەن جەنە تەرروريزمەن بايلانىستى اقپاراتتاردىڭ بەرٸلۋ فورمالارى تۋرالى اقپاراتپەن قانىقتىردى.
ترەنينگكە ارنايى قاتىسقان تانىمال قوعام بەلسەندٸسٸ, قر ۇلتتىق كٸتاپحانا ديرەكتورىنىڭ كەڭەسشٸسٸ ايدوس سارىم راديكالدىق دٸني اعىمدارعا توسقاۋىل قويۋدى ۇلتتىق تۇتاستىقتى ساقتاپ قالۋدىڭ ماڭىزدى تەتٸگٸ ەكەنٸنە توقتالدى. ول ٶز سٶزٸندە «بٷگٸنگٸ كٷنٸ تەرەڭدٸگٸ جٶنٸنەن ەڭ ٷلكەن قاۋٸپ دٸني راديكاليزمگە تٸرەلٸپ وتىر. بٸز قالاي بولعاندا دا «بٸر ۇلت – بٸر جاماعات» دەگەن قاعيدانى بەرٸك ۇستانۋىمىز كەرەك. بٸز جان-جاعىمىزعا باجايلاپ قارار بولساق, كەشە عانا بٸر مەملەكەت بولعان ەلدەردٸڭ دٸني ٶزگەرٸستەرگە تٷسٸپ تاعدىردىڭ تەلكەگٸنە, كٷشتٸ ەلدەردٸڭ تالان-تاراجىنا تٷسكەنٸن كٶرٸپ وتىرمىز. مۇنى ەلباسىمىز ٷلكەندٸ-كٸشٸلٸ جيىنداردا ٷنەمٸ ايتىپ جٷر. سوندىقتان دٸني راديكاليزمنەن تۋىندايتىن شەتكەرٸ كٶزقاراستار مەن ەرەكەتتەرگە بٷكٸل قوعام بولىپ قارسى تۇرۋىمىز كەرەك» دەپ ايتىپ ٶتتٸ.
ترەنينگ سوڭىندا ٸس-شاراعا قاتىسۋشىلار كٶتەرٸلگەن مەسەلەلەر تٶڭٸرەگٸندەگٸ ويلارىمەن بٶلٸسٸپ, پٸكٸر الماستى.
ٸس-شارا ترەنينگكە قاتىسقان جۋرناليستەرگە سەرتيفيكاتتار بەرۋمەن اياقتالدى.
