Búgin Nur-Sultan qalasynda Qazaqstan Respýblikasy Tuńǵysh Prezidenti – Elbasy, Qazaqstan halqy Assambleiasynyń Tóraǵasy Nursultan Ábishuly Nazarbaevtyń tóraǵalyǵymen ótken jiynda Elbasy Nursultan Nazarbaevtyń qatysýymen Qazaqstan halqy Assambleiasy Keńesiniń otyrysy ótti, - dep habarlaidy «Ult aqparat».
«Bir shańyraq astynda – biik maqsattarǵa» kún tártibimen ótken otyrysta Nursultan Nazarbaev Assambleianyń aldaǵy ýaqyttaǵy negizgi maqsat-mindetin aiqyndap, bolashaq baǵdaryn túzip berdi. Búgin onlain rejimde uiymnyń keńesi ótti. Bul jiyn Assambleianyń 25 jyldyq mereitoiyna arnaldy.
«Assambleianyń qandai qiyn ýaqytta qurylǵanyn bárimiz bilemiz. Burynǵy KSRO-nyń ydyraýy, Táýelsiz memleketter dostastyǵynyń qalyptasýy, tarihi shielenisti, erteńgi ómirge degen senimsizdik zamanynda quryldy. Biraq, biz dál sol kezde ózimiz úshin bir nárseni qabyldadyq. Ultaralyq tatýlyq bizdiń basty bailyǵymyz bolýy kerek», - dedi keńes otyrysyn ashqan Elbasy.
Elbasynyń aitýynsha, «Rýhani jańǵyrý» baǵdarlamasynyń jetistikteriniń biri «Týǵan jer» jobasy aiasynda 12 myń metsenat ózderiniń kishi otandaryna 270 mlrd teńgeniń investitsiiasyn saldy. Elimizdiń barlyq óńirlerinde 4,7 myń áleýmettik-mádeni nysan jańartylǵan.
Onymen qosa, QR Tuńǵysh Prezidenti el azamattary qiyn sátterde de uiymshyldyq tanytyp, bir-birine qoldaý kórsetip kele jatqandyǵyna da erekshe toqtalyp ótti.
«Máselen, Arystaǵy, Túrkistan oblysynyń Maqtaaral aýdanyndaǵy oqiǵalar kezinde eldi mekender qirap, kóptegen adam baspanasyz qaldy. Sol kezde ádettegidei búkil Qazaqstan jumyldy jáne jańa eldi meken men jańa qala saldy. Buǵan deiin de Almaty oblysyndaǵy sý tasqynynan, Shyǵys Qazaqstandaǵy jer silkinisinen soń osylai bolǵan edi. Koronavirýs infektsiiasy indeti jaǵdaiynda Assambleia az qamtylǵan otbasylarǵa, dárigerlerge, mektep oqýshylary men olardyń otbasylaryna kómek kórsetti. Osylaisha, barlyq qazaqstandyq óz problemasymen jalǵyz qalyp qoimaityndyǵyn biledi. Eger problema týyndasy bizdiń barlyǵymyz kómekke kelemiz. Bizdiń ár azamatymyz úshin myqty, jaýapkershiligi zor memleket bar jáne Assambleiada bul máselede sońǵy orynda emes. Joǵaryda aitylǵandardyń bári toptasa kele bizdiń biregeiligimizdiń negizgin quraidy. Biregeiligimiz - ulttyq kodymyz», – dedi Elbasy.
Elbasy otyrys barysynda keibir kúshterdiń etnikalyq máselelerdi jeke maqsattaryna paidalanǵysy keletinin, ultaralyq tatýlyq bizdiń basty bailyǵymyz bolýy kerektigine toqtaldy. Sonymen qatar, Qazaqstandaǵy ulttar men ulystar memlekettik tildiń eldi uiystyratyn rólin qoldaǵanynyn atap ótti. 1991 jyly elimizde qazaq tilin halyqtyń nebári 37 paiyzy ǵana meńgergen. Qazirgi tańda eldiń úshten ekisi erkin sóileidi. Al 20 jyl buryn joǵary oqý oryndarynda memlekettik tilde oqityn stýdentterdiń úlesi 27 paiyz ǵana bolsa, qazir 83 protsentten asqan.
«Búginde Qazaqstanda qazaq tilin tegin úiretetin 90 ortalyq bar. Olardyń tiimdiligine suraq kóp. Sondyqtan Mádeniet jáne sport, Bilim jáne ǵylym ministrligi memlekettik tildi úirený júiesiniń tiimdiligin arttyrýy kerek. Biz ár bala mektepten keiin memlekettik tilde oqyp, jazyp jáne sóilei alatyndai jaǵdai jasaýymyz kerek. Bul olarǵa memlekettik qyzmettiń, ekonomikanyń barlyq salasynda jumys isteýine múmkindik beredi. Adam kóp til bilgen saiyn mádenieti artady. Ózge barlyq ulttar men etnostardyń ókilderine bilim alý múmkindigi berilgen jáne olar ony qoldanyp ta júr. Burynyraqta memlekettik tilde sóileitin qazaq emes adamdy tabý problema bolatyn. Qazir bul múldem sirek kezdesetin jait emes. Elimizdegi barlyq etnostardyń arasynda memlekettik tildi jaqsy biletinder sany artyp kele jatyr», - dedi Tuńǵysh Prezident.
Otyrys barysynda Elbasy Qazaqstan halqy Assambleiasy tóraǵasynyń orynbasarlary bolyp taǵaiyndalǵan «Qazaqstan uiǵyrlary respýblikalyq mádeni ortalyǵy» Almaty filialynyń tóraǵasy Zakirjan Pirmuhameduly Kýziev pen QHA múshesi, «Kazakh TV» telearnasynyń direktory Maiia Tólegenqyzy Bekbaevany tanystyrdy.
Keńes jumysyna QR Prezidenti Q.K.Toqaev, ortalyq memlekettik atqarýshy organdardyń basshylary, Qazaqstan RespýblikasyParlamentiniń depýtattary, Nur-Sultan, Almaty, Shymkent qalalary men oblystardyń ákimderi – QHA tóraǵalary, etnomádeni birlestikter men Assambleia qurylymdarynyń ókilderi, bilim jáne ǵylym uiymdarynyń, institýttardyń jetekshileri, BAQ, ÚEU jáne qoǵam qairatkerleri qatysýda. Is-sharada sondai-aq, Jambyl oblysynyń ákimi B.Saparbaev jáne etnomádeni birlestikter, azamattyq qoǵam men jastar ókilderi sóz sóiledi.
Esterińizge sala keteiik, Nur-Sultan qalasynda Qazaqstan Respýblikasy Tuńǵysh Prezidenti – Elbasy, Qazaqstan halqy Assambleiasynyń Tóraǵasy Nursultan Ábishuly Nazarbaevtyń tóraǵalyǵymen «Bir shańyraq astynda – biik maqsattarǵa» kún tártibimen Qazaqstan halqy Assambleiasy Keńesiniń otyrysy ótti. Elimizdegi pandemiiaǵa bailanysty Qazaqstan halqy Assambleiasynyń 25 jyldyq mereitoiyna arnalǵan onlain jiynda Elbasy Nursultan Nazarbaevtyń ózi qatysyp, kópshilikpen oiyn bólisti.
