Almatylyq Aida Ahmetova meningokokk infektsiiasynan kóz jumǵan bes jastaǵy uly men 19 jastaǵy kelini jaiynda aityp berdi, - dep habarlaidy Tengrinews.kz tilshisi.
Qaiǵyly oqiǵa maýsymnyń 1-nen 2-ne qaraǵan túni tirkelgen. Dárigerler balanyń ólimin 2 maýsym saǵat 02:00-de tirkegen. Al 3 maýsymda tańǵy 09:00-de balanyń týystary kelinderiniń kóz jumǵanyn estigen.
Ahmetovanyń sózinshe, biraz ýaqyt buryn ol kúieýimen birge qaladan oblysqa kóshken. Otbasy Tabaksovhoz aýylynan jer telimin satyp alǵan, alaida, áli qujatyn tolyq bitire almapty. Sondyqtan balany qaladaǵy balabaqshaǵa aparǵan. Bala Aida Ahmetovanyń ata-anasynyń qolynda Dýman yqshamaýdanynda turǵan. Sol úide Aidanyń inisi turady, ol taiaýda 19 jastaǵy Aijan Naýryzbaevaǵa úilenbek bolǵan eken.
"Men infektsiialyq aýrýhananyń qymetkerlerine rizamyn. Olar sońyna deiin arpalysty. Men ulym aýyryp jatqan úige jedel járdem shaqyrtqanmyn. Olar Tabaksovhozǵa jyldam keldi, biraq, qalaǵa aparmaimyz, oblystaǵylardy Talǵar aýrýhanasyna jatqyzý týraly buiryq bar dedi. Olarǵa qońyraý shala almadyq, infektsiialyq aýrýhanalary bar ma bilýge. Kútip otyra almadym, balany alyp, qalaǵa kettim, sol jerde jedel járdem shaqyrdym.
Jaqsy feldsher jolyqty, aýrýhanaǵa tez jetkenimen, kólikte 30 minýttai jattyq, óitkeni 12-shi aýrýhanada bos oryn bolmady. Osy 30 minýtta toǵyz balany alyp kelgenin kórdim. Balalaryn ózderi alyp kelgen ata-analar bar. Kezek sumdyq boldy.
10 minýt qarady da jansaqtaý bólimine jatqyzdy. Boldy. Perishtemizden aiyrylyp qaldyq. Qaiǵydamyz. Bar bolǵany bes jasta edi. Osy ýaqytta anam kelinimizdiń keshe aýyryp qalǵanyn aitty. Birden oǵan qońyraý shaldyq - shamamen tańǵy 05.30-06.00-da. Ol ózin Talǵardan Qaskeleńge jedel járdemmen alyp ketip bara jatqanyn aitty. Qyzýy qatty kóterilipti.
Telefondy feldsherge berýdi suradym. Sóilesip, jaqyn mańdaǵy infektsiialyq aýrýhanaǵa jetkizýin suradym. Qaskeleńge deiin shydamaitynyn, ulymnan bir saǵatta aiyrylyp qalǵanymdy aitty. "Úlgermeisińder, taǵy bir adamnan aiyrlǵymyz kelmeidi", - dedim men. Feldsher bizdi oblysta turatynymzdy, al eń jaqyn aýrýhana Qaskeleńde ekenin aitty. Oilańyzshy Talǵardan Qaskeleńge, kemi eki saǵat. Biz odan da aiyrylyp qaldyq, bir otbasynan eki adam.
Qazaqstannyń barlyq azamatyna aitatynym! XXI ǵasyrda adamdar qalaisha indetten kóz jumady? Nege uiymdardy karantinge jappaidy? Aldyn ala tekserýge bolmas pa edi? Vaktsina qaida, nege onyń quny 22 myń teńge? Barlyǵynyń oǵan qoly jete me? Birneshe balasy bar, al tabysy 60 myń teńge ǵana otbasylar ne istemek?
Bir elde turyp, aýdandarǵa bólinemiz, sumdyq-ai! Bir el emespiz be, biraq, Talǵarda tirkeýde turǵandardy emdei almaimyz! Qazaqstan halqyna ótinishim, osy máseleni kóterý kerek! Qazaqstannyń barlyq turǵyndarynan, saittar men telefondardy berip, osyndai dertke shaldyqqandarǵa qatysty bassyzdyq bolyp jatqanyn bári bilse eken. Mal siiaqty qyrylyp jatyrmyz, al indet tarap jatqany týraly dabyl qaǵylyp jatqan joq", - deidi Aida Ahmetova.
Ahmetovanyń sózinshe, uly ómirge qushtar jáne án salǵandy unatatyn. Ony án úiirmesine bermek bolǵan eken.
"Daýysy ádemi, úide de, balabaqshada da bári ony jaqsy kóretin. Ánshi bolýdy armandaityn. Keshe anamnyń túsine kiripti. Infektsiialyq aýrýhanaǵa baryp, dárigerlerge gúl syilaýdy ótinipti. Esimizdi jiǵan soń, solai etemin. Biraq qazir esimizdi jiia alar emespiz, óitkeni ulymdy da, kelinimizdi de kórsetpeidi. Jabyq kúide ákeledi, adamdar juqtyryp almas úshin", - deidi ol.
"Ulymyzdy qidyq, kóndik. Biraq sońǵy ret bolsyn qushyp, súiip, qanshalyqty súietinimzdi aita almai, jupar iisine qushyrlana qanbai almai ketkenimizge janym aýyrady. Bizde qalǵany tek tamasha estelikter ǵana. Ony qatty súiemiz. Ol ortanyń gúli, bárimen dos, pozitivti ári kek saqtamaityn edi. Ol aýzyn ashyp, menen suraityn edi: "Júregimdi kórip tursyń ba? Ol jartylai ákemdikine, al ekinshi jartysy senikine uqsaidy", - deitin. Sol júregi infektsiiany kótere almady.
Ulym Aijandy súietin, endi olar birge. Alla kúnálárin keshirip, jandaryna tynyshtyq bersin. Perishtemizdiń qasynda bolǵai. Oǵan barlyǵy úshin rizamyn", - deidi Aida Ahmetova.
