Qyrǵyzstanda ózenge qulaǵan kólik ishinde bolǵan 6 jastaǵy bala áli tabylmady, dep habarlaidy ult.kz.
Qyrǵyzstannyń Kegeti shatqalynda bolǵan qaiǵyly jol apatynan keiin joǵalǵan alty jasar balany izdeý jumystary birneshe kúnnen beri jalǵasyp jatyr. Izdeý-qutqarý operatsiiasyna qazaqstandyq mamandar da qosylǵan.
Oqiǵa 23 maýsym kúni bolǵan. Aldyn ala málimet boiynsha, eki balasy bar otbasy otyrǵan jeńil kóliktiń qozǵalys kezinde tejegishi isten shyǵyp, avtokólik jardan qulap, ózenge túsip ketken.
Ata-anasy kólikten óz kúshterimen shyǵyp úlgergenimen, balalardy ózenniń qatty aǵysy alyp ketken. Keiin qutqarýshylar 12 jastaǵy qyzdyń máiitin taýyp, týystaryna tapsyrdy.
Al alty jasar ul balany izdeý jumystary áli de jalǵasyp jatyr. Qutqarýshylar ózen boiyn jiti tekserip, izdeý operatsiiasyna qosymsha kúshter men tehnikany jumyldyrǵan.
