قىرعىزستاندا ٶزەنگە قۇلاعان كٶلٸك ٸشٸندە بولعان 6 جاستاعى بالا ەلٸ تابىلمادى, دەپ حابارلايدى ult.kz.
قىرعىزستاننىڭ كەگەتٸ شاتقالىندا بولعان قايعىلى جول اپاتىنان كەيٸن جوعالعان التى جاسار بالانى ٸزدەۋ جۇمىستارى بٸرنەشە كٷننەن بەرٸ جالعاسىپ جاتىر. ٸزدەۋ-قۇتقارۋ وپەراتسيياسىنا قازاقستاندىق ماماندار دا قوسىلعان.
وقيعا 23 ماۋسىم كٷنٸ بولعان. الدىن الا مەلٸمەت بويىنشا, ەكٸ بالاسى بار وتباسى وتىرعان جەڭٸل كٶلٸكتٸڭ قوزعالىس كەزٸندە تەجەگٸشٸ ٸستەن شىعىپ, اۆتوكٶلٸك جاردان قۇلاپ, ٶزەنگە تٷسٸپ كەتكەن.
اتا-اناسى كٶلٸكتەن ٶز كٷشتەرٸمەن شىعىپ ٷلگەرگەنٸمەن, بالالاردى ٶزەننٸڭ قاتتى اعىسى الىپ كەتكەن. كەيٸن قۇتقارۋشىلار 12 جاستاعى قىزدىڭ مەيٸتٸن تاۋىپ, تۋىستارىنا تاپسىردى.
ال التى جاسار ۇل بالانى ٸزدەۋ جۇمىستارى ەلٸ دە جالعاسىپ جاتىر. قۇتقارۋشىلار ٶزەن بويىن جٸتٸ تەكسەرٸپ, ٸزدەۋ وپەراتسيياسىنا قوسىمشا كٷشتەر مەن تەحنيكانى جۇمىلدىرعان.
