Elordada belgisiz áiel dúkennen quny 1 mln teńgeden asatyn gaýhar tasty urlap ketti, dep habarlaidy QazAqparat.
Politsiiaǵa dúken direktory aryzdanyp, Ǵabdýllin kóshesindegi zergerlik dúkeninen belgisiz bireý quny 1 mln teńgeden asatyn gaýhar tasty urlap ketkenin aitqan.
«Jedel-izdestirý is-sharalaryn júrgizý jáne qylmys jasaý perimetrinde ornatylǵan beinebaqylaý kameralaryn qaraý barysynda kúdikti anyqtaldy. Ol 49 jastaǵy qala turǵyny bolyp shyqty. Áieldiń zergerlik dúkenge jii keletini jáne buryn birneshe ret úlken somaǵa zat satyp alǵandyǵy belgili boldy. Kúdikti keshki saǵat 17.45-te zergerlik dúkenge kirip, satýshynyń basqa klientterge qyzmet kórsetkenin paidalanyp, qymbat jiyntyqty urlap, qylmys ornynan boi tasalaǵan», - dep jazdy qalalyq politsiia departamentiniń baspasóz qyzmeti.
Ustalǵan azamat kinásin moiyndady, zattai aiǵaq tárkilendi. Atalǵan derek boiynsha «Urlyq» babymen sotqa deiingi tergeý júrgizilip, onyń elorda aýmaǵynda jasalǵan basqa da uqsas qylmystarǵa qatystylyǵy tekserilýde.
