27 naýryzda Aqtaýdan ushyp shyqqan Qazaqstan QK ÁQK Áskeri áýe kúshteriniń tikushaǵy apatqa ushyrady. Ekipajdaǵy 13 adamnyń barlyǵy qaza tapty. Mańǵystaý oblysynyń ákimdigi tikushaq apatynan qaza tapqan áskeri qyzmetkerlerdiń otbasyna 1 mln teńge qarjylai kómek kórsetetinin habarlady. Osy oraida jýrnalister QR Pralament Májilisi depýtattarynan «1 mln teńge jetkilikti soma ma?» dep suradyq, dep jazady Baq.kz tilshisi.
«Halyq kommýnisteri» fraktsiiasynyń múshesi, depýtat Vladislav Kosarev:
– Jaqyndarynan aiyrylǵandarǵa jergilikti organdar kómektesetin bolar. Bul memlekettik emes, jergilikti biýdjet. Million teńge búginde túk emes, shynyn aitqanda. Qaza tapqandardy jerleýge odan da kóp aqsha ketedi.
«Aq jol» fraktsiiasynyń múshesi, depýtat Berik Dúisenbinov:
– Adam ómiri eshqandai million teńgemen ólshenbeidi. Qaitqan jas baýyrlarymyz – bir-bir úidiń úkilegen úmiti. Óte qaiǵyly jaǵdai. Áskeri jattyǵý kezinde osynshama adam qaitatyn bolsa... Bul bizdiń áskeri uiymdarǵa, ministrlikke úlken syn. Bul azamattardyń orny tolmaityn ókinish. Bir millon teńge eshteńeni jaba almaidy.
Parlament Májilisiniń depýtaty Nurtai Sabilianov:
– Tikushaqtan qaitys bolǵan azamattardyń otbasyna qaiǵylaryna ortaqtasyp kóńil aitamyn. Qorǵanys ministrligi, atqarýshy organdar tarapynan jan-jaqty kómekter kórsetilýi kerek. Óitkeni olardyń sońynda balalary, áke-shesheleri, otabsylary qaldy. Biz otan qorǵaǵan azamattarǵa «Otan qorǵaýshylar» dep qarap, joǵary deńgeide qoldaý kórsetýimiz kerek. Másele aqshada emes, másele – jalpy qoldaýda. Bir memlekettik organ bir millon teńgemen kómekteser, basqa memlekettik organ turǵyn úi máselesin sheshýmen ainalysar. Otbasylardyń barlyǵy qazirgi jaǵdaida memleket qoldaýyna ie bolýy kerek. Jalpy mundaiǵa jol bermeýimiz qajet. Qaitalanbas úshin, ásirese áskeri tehnikalardy tekserip, aldyn alýymyz kerek. Mundai jaǵdai elimizde birinshi ret bolyp otyrǵan joq.
Eske sala keteiik, 2019 jyldyń 27 naýryzynda Qazaqstan QK ÁQK Áskeri áýe kúshteriniń tikushaǵy apatqa ushyrap, ekipajdaǵy 13 adamnyń barlyǵy qaza tapty. 4 tikushaq Aqtaý qalasynan Shymkentke qarai ushqan. Ushý túngi ýaqytta meteorologiialyq qiyn jaǵdaida keshendi tekseris jáne «Altyn jebe» arnaiy bólimsheleriniń jattyǵýy aiasynda iske asqan.
Qorǵanys ministri, general-maior Nurlan Ermekbaevtyń buiryǵyna sáikes, QR Qorǵanys ministrliginiń arnaiy komissiiasy qurylyp, oqiǵa ornyna bardy. Qorǵanys ministrligi men Ishki ister ministrligi birlesip, áýe apatynyń sebep-saldaryn anyqtaý maqsatynda tergeý bastalyp ketti.
QR Prezidenti Qasym-Jomart Toqaev Twitter-degi jeke paraqshasynda tikushaq apatynan kóz jumǵandardyń jaqyndaryna kóńil aitty.
