22 qazanda Qazaqstanda 186 adamnyń koronavirýs pnevmoniiasyna shaldyqqany anyqtaldy. Bir kúnde 27 adam jazylyp, pnevmoniianyń osy túrinen 1 adam qaitys boldy.
Densaýlyq saqtaý ministrliginiń taratqan aqparaty boiynsha, 1 tamyzdan beri 36 567 adam koronavirýs pnevmoniiasyna shaldyqqan, 28 390 adam jazylǵan, 391 adam qaitys bolǵan.
Dúniejúzilik densaýlyq saqtaý uiymy koronavirýs pnevmoniiasyna shaldyqqandardy Covid ctatistikasyna qosýǵa keńes bergenmen Qazaqstan úkimeti qulaq aspai keledi. Elde koronavirýs juqqany PTR testimen rastalǵandar men klinikalyq belgileri boiynsha koronavirýsqa shaldyqqandar (koronavirýs pnevmoniiasy) esebi bólek jariialanyp jatyr.
22 tamyzda koronavirýs juqqany testpen rastalǵandar arasynda 5 adam qaitys bolǵan. Naýryz aiynan beri koronavirýstan barlyǵy 1811 adam kóz jumǵan.
Qazir 2 782 adam koronavirýstan emdelip jatyr, 211-i - bala. Statsionarda - 2 205 adam, ambýlatorlyq jaǵdaida 577 adam emdelip jatyr. 101 adamnyń jaǵdaiy - aýyr, 10 adamnyń jaǵdaiy - óte aýyr, 13 adam jasandy tynys alý apparatymen dem alyp jatyr.
