18 qarasha kúni Qazaqstanda koronavirýs juqtyrǵany Covid testimen (PTR) rastalǵan 762 naýqas tirkeldi, dep habarlaidy "Ult aqparat".
Sársenbi kúni eń kóp naýqas Shyǵys Qazaqstan oblysynda tirkelgen. Munda 252 adamnan koronavirýs anyqtalǵan. Bir kún buryn bul kórsetkish 230 bolǵan edi. Nur-Sultan qalasynda – 81, Soltústik Qazaqstan oblysynda – 79, Pavlodar oblysynda – 65, Qostanai oblysynda – 60, Almaty qalasynda - 43, Aqmola oblysynda - 42, Batys Qazaqstan oblysynda - 40, Almaty oblysynda - 33, Qaraǵandy oblysynda - 20, Atyraý oblysynda - 17, Jambyl oblysynda - 10, Shymkent qalasynda - 7, Qyzylorda oblysynda - 5, Aqtóbe oblysynda adamnan koronavirýs infektsiiasy tabylǵan. Ótken táýlikte barlyq oblys pen qalada naýqas anyqtalǵan. Eń tómengi kórsetkish Mańǵystaý oblysy (2), Túrkistan oblysynda (2) tirkelgen.
Elde naýryz aiynan beri virýs juqtyrǵany PTR testimen rastalǵandar 123 097 adamǵa jetti: 110 myńnan astamy jazylǵan. 9 myńnan astamy emdelip jatyr, 1959-y qaitys bolǵan.
Covid jónindegi ulttyq statistikaǵa esebi 1 tamyzdan beri júrgizilip kele jatqan koronavirýs pnevmoniiasy statistikasy (koronavirýstyń PTR testimen rastalmaǵan keisteri) qosylmaǵan. 18 qarashadaǵy derek boiynsha, pnevmoniianyń bul túri tamyzdan basynan beri 40 488 adamnan anyqtalǵan, 28 myńy jazylǵan, 421-i qaitys bolǵan.
