Qazaqstanda 24 sáýir kúni PTR testimen rastalǵan koronavirýspen 2830 adam tirkeldi. Bul týraly koronavirýspen kúres jónindegi vedomstvoaralyq komissiianyń Telegram-kanalynan bilýge bolady.
Kún kórsetkishi boiynda aimaqtar arasynda alda kele jatqan Almaty qalasynda 682 naýqas tirkelgen. Qalada táýlik saiyn tirkeletin naýqas sany on kúnnen astam ýaqyt boiy 650-den tómendemei otyr. Al rekord 8 sáýirde ornaǵan. Sol kúni Covid 717 adamnyń analizinen anyqtalǵan. Indet bastalǵaly bir Almatynyń ózinde koronavirýspen 50 myńnan astam adam tirkelip otyr.
Qalany qorshai ornalasqan Almaty oblysynda 246 adamnyń PTR testi oń nátije berip, virýs juqtyrǵany rastalǵandar sany 20 myńnan asty.
Ózge aimaqtardaǵy ahýal:
- Nur-Sultan qalasynda – 42770 (+498),
- Shyǵys Qazaqstan oblysynda – 24421 (+99),
- Qaraǵandy oblysynda – 22096 (+235),
- Atyraý oblysynda – 21423 (+116),
- Pavlodar oblysynda – 20150 (+57),
- Batys Qazaqstan oblysynda – 18447 (+171),
- Aqmola oblysynda – 17571 (+148),
- Qostanai oblysynda – 14580 (+28),
- Soltústik Qazaqstan oblysynda – 13823 (+43),
- Shymkent qalasynda – 8891 (+114),
- Aqtóbe oblysynda – 8583 (+165),
- Jambyl oblysynda – 7481 (+71),
- Mańǵystaý oblysynda – 5423 (+55),
- Túrkistan oblysynda – 5206 (+45),
- Qyzylorda oblysynda – 5159 (+57).
Osylaisha koronavirýspen tirkelgender sany 306 400-ge jetip otyr. Onyń 261 647-si jazylǵan, 3535-i qaitys bolǵan (23 sáýirdegi derek). Qaitys bolǵandardyń bul statistikasyna koronavirýs "ilespe diagnoz" boldy degen myńnan astam adam kirmei qalǵan. Densaýlyq saqtaý ministrliginiń málimetinshe, naýryzdyń sońyna deiin bul tizimde barlyǵy 1619 adam bolǵan.
24 sáýirdegi málimet boiynsha, 40 682 adam koronavirýs infektsiiasynan (40 172 KVI+ jáne 510 KVI-) emdelip jatyr, olardyń ishinde 14 395 patsient statsionarda, 26 287 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
Qazaqstan úkimeti byltyr tamyzdan bastap analizinen koronavirýs anyqtalmaǵan, biraq aýrýlar belgileri boiynsha soǵan uqsaityn koronavirýs pnevmoniiasynyń esebin júrgizip keledi. 2020 jylǵy 1 tamyz ben 2021 jylǵy 23 sáýir aralyǵynda pnevmoniianyń bul túrimen 52 434 adam tirkeldi. Onyń 51 155-i jazylyp shyqty, 771-i qaitys boldy.
Amerikalyq Djons Hopkins ýniversitetiniń málimetine qaraǵanda, álemde koronavirýspen tirkelgender sany 146 millionnan asqan. Onyń 3 million 96 myńy qaitys bolǵan.
