قازاقستاندا 24 سەۋٸر كٷنٸ پتر تەستٸمەن راستالعان كوروناۆيرۋسپەن 2830 ادام تٸركەلدٸ. بۇل تۋرالى كوروناۆيرۋسپەن كٷرەس جٶنٸندەگٸ ۆەدومستۆوارالىق كوميسسييانىڭ Telegram-كانالىنان بٸلۋگە بولادى.
كٷن كٶرسەتكٸشٸ بويىندا ايماقتار اراسىندا الدا كەلە جاتقان الماتى قالاسىندا 682 ناۋقاس تٸركەلگەن. قالادا تەۋلٸك سايىن تٸركەلەتٸن ناۋقاس سانى ون كٷننەن استام ۋاقىت بويى 650-دەن تٶمەندەمەي وتىر. ال رەكورد 8 سەۋٸردە ورناعان. سول كٷنٸ Covid 717 ادامنىڭ اناليزٸنەن انىقتالعان. ٸندەت باستالعالى بٸر الماتىنىڭ ٶزٸندە كوروناۆيرۋسپەن 50 مىڭنان استام ادام تٸركەلٸپ وتىر.
قالانى قورشاي ورنالاسقان الماتى وبلىسىندا 246 ادامنىڭ پتر تەستٸ وڭ نەتيجە بەرٸپ, ۆيرۋس جۇقتىرعانى راستالعاندار سانى 20 مىڭنان استى.
ٶزگە ايماقتارداعى احۋال:
- نۇر-سۇلتان قالاسىندا – 42770 (+498),
- شىعىس قازاقستان وبلىسىندا – 24421 (+99),
- قاراعاندى وبلىسىندا – 22096 (+235),
- اتىراۋ وبلىسىندا – 21423 (+116),
- پاۆلودار وبلىسىندا – 20150 (+57),
- باتىس قازاقستان وبلىسىندا – 18447 (+171),
- اقمولا وبلىسىندا – 17571 (+148),
- قوستاناي وبلىسىندا – 14580 (+28),
- سولتٷستٸك قازاقستان وبلىسىندا – 13823 (+43),
- شىمكەنت قالاسىندا – 8891 (+114),
- اقتٶبە وبلىسىندا – 8583 (+165),
- جامبىل وبلىسىندا – 7481 (+71),
- ماڭعىستاۋ وبلىسىندا – 5423 (+55),
- تٷركٸستان وبلىسىندا – 5206 (+45),
- قىزىلوردا وبلىسىندا – 5159 (+57).
وسىلايشا كوروناۆيرۋسپەن تٸركەلگەندەر سانى 306 400-گە جەتٸپ وتىر. ونىڭ 261 647-سٸ جازىلعان, 3535-ٸ قايتىس بولعان (23 سەۋٸردەگٸ دەرەك). قايتىس بولعانداردىڭ بۇل ستاتيستيكاسىنا كوروناۆيرۋس "ٸلەسپە دياگنوز" بولدى دەگەن مىڭنان استام ادام كٸرمەي قالعان. دەنساۋلىق ساقتاۋ مينيسترلٸگٸنٸڭ مەلٸمەتٸنشە, ناۋرىزدىڭ سوڭىنا دەيٸن بۇل تٸزٸمدە بارلىعى 1619 ادام بولعان.
24 سەۋٸردەگٸ مەلٸمەت بويىنشا, 40 682 ادام كوروناۆيرۋس ينفەكتسيياسىنان (40 172 كۆي+ جەنە 510 كۆي-) ەمدەلٸپ جاتىر, ولاردىڭ ٸشٸندە 14 395 پاتسيەنت ستاتسيوناردا, 26 287 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
قازاقستان ٷكٸمەتٸ بىلتىر تامىزدان باستاپ اناليزٸنەن كوروناۆيرۋس انىقتالماعان, بٸراق اۋرۋلار بەلگٸلەرٸ بويىنشا سوعان ۇقسايتىن كوروناۆيرۋس پنەۆمونيياسىنىڭ ەسەبٸن جٷرگٸزٸپ كەلەدٸ. 2020 جىلعى 1 تامىز بەن 2021 جىلعى 23 سەۋٸر ارالىعىندا پنەۆمونييانىڭ بۇل تٷرٸمەن 52 434 ادام تٸركەلدٸ. ونىڭ 51 155-ٸ جازىلىپ شىقتى, 771-ٸ قايتىس بولدى.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸنە قاراعاندا, ەلەمدە كوروناۆيرۋسپەن تٸركەلگەندەر سانى 146 ميلليوننان اسقان. ونىڭ 3 ميلليون 96 مىڭى قايتىس بولعان.
