22 qańtarda Qazaqstanda 14012 adamnan koronavirýs anyqtaldy, bul bir kún burynǵymen salystyrǵanda 1,2 myń adamǵa az. Bul týraly koronavirýsqa qarsy vedomstvoaralyq komissiia habarlady. Buǵan deiin koronavirýs boiynsha rekordty kórsetkish únemi jańaryp kelgen edi.
Keiingi málimet boiynsha, eń kóp adam anyqtalǵan óńirler:
- Nur-Sultan – 3460;
- Almaty – 2516;
- Aqmola oblysy –1006;
- Qaraǵandy oblysy – 2036;
- Pavlodar oblysy – 1014.
Buǵan qosa, 21 qańtardaǵy málimet boiynsha, elde koronavirýs infektsiiasynyń belgisi bar pnevmoniiaǵa shaldyqqan 160 adam tirkelgen.
Qazir elde koronavirýs infektsiiasy juqqan 146 myńnan astam naýqas emdelip jatyr, onyń ishinde 1,4 myńnan asa adamǵa kovidtektes pnevmoniia diagnozy qoiylǵan. 9,7 myń adam aýrýhanada jatyr, sonyń 361-i aýyr halde, al 121 adamnyń jaǵdaiy óte aýyr dep habarlady densaýlyq saqtaý ministrligi.
Elde naýqas sany budan da kóp bolýy múmkin, sebebi "dárigerge qaralmai, úiinde óz betinshe em-dom jasap jatqandar da bar" deidi keibir sarapshylar.
2020 jyldyń naýryzynan beri resmi málimet boiynsha, 1 231 856 adam koronavirýs fnifektsiiasy men kovidtektes pnevmoniia juqtyryp aýyrǵan. Sodan beri 18 myńnan astam adam qaitys bolǵan.
