Qazaqstanda qant baǵasyna ne áser etti jáne onyń baǵasy qalai turaqtanady? Bul týraly QR Saýda jáne integratsiia ministrligi saýda komitetiniń tóraǵasy Erjan Qazanbaev túsindirdi, dep habarlaidy QazAqparat.
«Qantqa suranys kóbeigen saiyn qant baǵasy ósip jatyr. Sońǵy málimetter boiynsha, bes kún ishinde «Magným» saýda jelisinde 540-550 tonna qant satylǵan. Buryn bes kúnde orta eseppen 170 tonna qant satylatyn. Qant baǵasy sol sebepti ósti. Jergilikti organdar Básekelestikti qorǵaý jáne damytý agenttigimen birlesip baǵany sebepsiz kótergen kásipkerlerdi tekserip, tiisti sharalar qoldana alady. Osy atalǵan sharalar qabyldanǵan soń baǵa turaqtaýy múmkin», - dedi Qazanbaev ortalyq kommýnikatsiialar qyzmetinde ótken baspasóz máslihatynda.
Aita keteiik, saýda núktelerinde baǵany kóterý faktileri anyqtalsa, mynadai keri bailanys arnalaryna habarlasqan jón: jergilikti atqarýshy organdar (ákimdikter), QR Saýda jáne integratsiialar ministrligi tutynýshylar quqyǵyn qorǵaý komitetiniń «e-Tutynushy» saity, QR SIM saýda komiteti jáne QR Básekelestikti qorǵaý jáne damytý agenttigi.
Qazaqstanda shamamen 90 myń tonna qant qory bar jáne respýblika qantpen tolyq qamtamasyz etilgen.
