Osy jyldyń naýryz aiynda ambýlatoriialyq qyzmetterdiń baǵasy birden 3,5%-ǵa ósti. Jyl basynan beri baǵa 6,1%-ǵa, bir jylda - 9,7%-ǵa qymbattaǵan, dep habarlaidy QazAqparat energyprom.kz-ke silteme jasap.
Óńirlik bóliniste bir aida Aqmola oblysynyń turǵyndaryna baǵanyń óskeni qatty bilindi — birden 9,5%-ǵa. Antiliderlerdiń úshtiginde Almaty oblysy (7,7%) jáne Almaty (6,1%) qalasy bar. Qazaqstannyń 17 óńiriniń 4-eýinde baǵalar burynǵy deńgeide qaldy.
Jyl basynan beri baǵa Túrkistan oblysynda birden 12,5%-ǵa, Aqmola oblysynda — 9,5%-ǵa, Almaty oblysynda - 8,5%-ǵa ósti.
Ailyq dinamikada dárigerdiń alǵashqy qabyldaýy naýryz aiynda 4,3%-ǵa, stomatologiialyq qyzmetter — 3,4%-ǵa, meditsinalyq zerthanalar men rentgen kabinetteriniń qyzmetteri — 3%-ǵa, ambýlatoriialardaǵy maman dárigerlerdiń qyzmetteri - 2,4%-ǵa qymbattady.
Osy jyldyń naýryz aiynda dárigerdiń alǵashqy qabyldaýy el boiynsha ortasha eseppen 3,9 myń teńgeni qurady. Iri qalalar arasynda alǵashqy qabyldaý Atyraý (5,2 myń tg), Nur-Sultan (5,1 myń tg) jáne Almaty (4,9 myń tg) qalalarynda qymbat boldy. Eń arzan qyzmet Túrkistanda (2,5 myń tg).
