Elordada epidemiologiialyq jaǵdai áli de qubylmaly, kúnine 350-den 650-ge deiin jaǵdai tirkeledi. Bul týraly Nur-Sultan qalasynyń bas memlekettik sanitarlyq dárigeri Sarhat Beisenova aityp berdi, dep habarlaidy QazAqparat.
«Nur-Sultan qalasyndaǵy COVID-19 indeti boiynsha epidemiologiialyq jaǵdai turaqsyz bolyp qalýda, qala bir aidan astam ýaqyt boiy «qyzyl aimaqta» tur. Kúnine 350-den 650-ge deiin jaǵdai tirkeledi. Sońǵy aptadaǵy syrqattanýshylyq kórsetkishi aldyńǵy aptadan 17%-ǵa joǵary, 100 myń turǵynǵa shaqqandaǵy qarqyndy kórsetkish-326,2 qurady. Reprodýktivti sany-1,07», - dedi S. Beisenova elorda ákimdiginde ótken brifingide.
Jyl basynan beri qala boiynsha aýyrǵandar sany 21 myńnan asty, al jalpy pandemiia bastalǵaly – 40 169 jaǵdai tirkeldi (onyń ishinde 26 130 – simptomy bar jáne 14 039-simptomsyz).
«Biylǵy sáýir aiyndaǵy COVID-19 syrqattanýshylyq kórsetkishi naýryz aiyndaǵy syrqattaný deńgeiinen 50%-ǵa, qańtar-aqpan ailarynan 37,8%-ǵa asady», - dedi spiker.
