QR Densaýlyq saqtaý ministri Ajar Ǵiniiat 12 jastan asqan balalardyń ata-analaryn vaktsinatsiia boiynsha durys sheshim qabyldaýǵa shaqyrdy, dep habarlaidy QazAqparat.
«Sońǵy aptada oqýshylardyń arasynda koronavirýs infektsiiasymen aýyrý 1,3 ese ósti. Koronavirýs infektsiiasymen aýyrǵandardyń jalpy sanynda oqýshylardyń 10 paiyzdan joǵary úlesi Túrkistan, Aqmola, Batys Qazaqstan, Soltústik Qazaqstan, Qostanai oblystarynda, Shymkent jáne Nur-Sultan oblystarynda baiqalady», - dedi vedomstvo basshysy Úkimet otyrysnyda.
Sondai-aq, ol oqýshylardyń bári offlain oqytýǵa kóshkenimen, sanitarlyq talaptardy qatań saqtaý kerektigin eskertti.
«Offlain oqytýǵa kóshýdi jas adamdardyń «omikron» túrin tez juqtyrýyn eskere otyryp, aýmaqtardyń ákimderine bilim berý uiymdarynda sanitarly-dezinfektsiialyq maska rejimin, synyptardyń tolyqtyrylýyn jáne koronavirýs profilaktikasynyń ózge de belgilengen sharalaryn oryndaý jónindegi talaptardy qamtamasyz etýdi suraimyn. Sondai-aq, 12 jastan asqan balalardyń ata-analaryn balalardy vaktsinalaý boiynsha sheshim qabyldaýǵa shaqyramyn», - dedi ministr.
