21-28 qazan aralyǵynda Qazaqstan qyrǵyz taýarlaryna qatysty 16 zań buzýshylyqty anyqtaǵan. Bir apta ishinde Qyrǵyzstanǵa 100 tonnadan astam ónim qaitarylǵan. Bul jóninde QR aýyl sharýashylyǵy ministrligi habarlady.
3 jaǵdai boiynsha ónimder fitosanitarly sertifikatsyz ákelingen. Úsh ret ziiańkester anyqtalǵan oqiǵa tirkelgen, 10 oqiǵa boiynsha qaptamada arnaiy markalaý (tańbalaý) bolmaǵan.
3 qarashada Qordai aýdanynda fitosanitarly baqylaý kezinde Qyrǵyzstannan kelgen 20 tonna qurmadan ziiańkester tabylǵan. Taýar keri qaitarylǵan.
Qazaqstan 10 qazannan bastap Qyrǵyzstanmen shekaradaǵy tekseristi kúsheitti. Bul uzyn-sonar kezektiń týyndaýyna sebepker boldy. Qyrǵyz tarapy Astanamen kelissóz kezinde jolaýshy kóliginiń ótýin jeńildetý jóninde kelisimge qol jetkizdi.
Shekara baqylaýyn kúsheitý sebebin Astana Qyrǵyzstannan keletin kontrabandamen kúresý dep túsindiredi. Bishkek bolsa, qazaq taraby «kedergini qoldan jasap otyr» dep sanaidy.
