21-28 قازان ارالىعىندا قازاقستان قىرعىز تاۋارلارىنا قاتىستى 16 زاڭ بۇزۋشىلىقتى انىقتاعان. بٸر اپتا ٸشٸندە قىرعىزستانعا 100 توننادان استام ٶنٸم قايتارىلعان. بۇل جٶنٸندە قر اۋىل شارۋاشىلىعى مينيسترلٸگٸ حابارلادى.
3 جاعداي بويىنشا ٶنٸمدەر فيتوسانيتارلى سەرتيفيكاتسىز ەكەلٸنگەن. ٷش رەت زيياڭكەستەر انىقتالعان وقيعا تٸركەلگەن, 10 وقيعا بويىنشا قاپتامادا ارنايى ماركالاۋ (تاڭبالاۋ) بولماعان.
3 قاراشادا قورداي اۋدانىندا فيتوسانيتارلى باقىلاۋ كەزٸندە قىرعىزستاننان كەلگەن 20 توننا قۇرمادان زيياڭكەستەر تابىلعان. تاۋار كەرٸ قايتارىلعان.
قازاقستان 10 قازاننان باستاپ قىرعىزستانمەن شەكاراداعى تەكسەرٸستٸ كٷشەيتتٸ. بۇل ۇزىن-سونار كەزەكتٸڭ تۋىنداۋىنا سەبەپكەر بولدى. قىرعىز تاراپى استانامەن كەلٸسسٶز كەزٸندە جولاۋشى كٶلٸگٸنٸڭ ٶتۋٸن جەڭٸلدەتۋ جٶنٸندە كەلٸسٸمگە قول جەتكٸزدٸ.
شەكارا باقىلاۋىن كٷشەيتۋ سەبەبٸن استانا قىرعىزستاننان كەلەتٸن كونتراباندامەن كٷرەسۋ دەپ تٷسٸندٸرەدٸ. بٸشكەك بولسا, قازاق تارابى «كەدەرگٸنٸ قولدان جاساپ وتىر» دەپ سانايدى.
